Perezida wa Kiyovu Sport yanze gusubiza miliyoni 19 zayobeye kuri Konti ye: REBA HANO>>>>

 0 total views

Urwego rw’Igihugu rw’Ubugenzacyaha (RIB), rwatumijeho Perezida w’ikipe ya Kiyovu Sport, Mvukiyehe Juvenal azira miliyoni 19 z’u Rwanda, z’uwitwa Muhirwa Prosper.

Kuri uyu wa gatatu tariki ya 16 Ukuboza 2020, nibwo hamenyekanye amakuru avuga itabwa muri yombi rya Mvukiyehe Juvenal uyobora ikipe ya Kiyovu Sport kubera amafaranga atari aye yari yanze gusubiza.

Impamvu yo gutabwa muri yombi kwa Juvenal, ni miliyoni 19 z’amafaranga y’u Rwanda (19000,000 Frw) zayobeye kuri konti y’uyu mugabo, maze aho kuyasubiza aho avuye ahita atangira kuyakoresha.

Aya mafaranga yayobeye kuri konti ya Mvukiyehe Juvenal, yari aya Muhirwa Prosper uzwi mu kipe ya Rayon Sports FC, maze abibwiye uyu muyobozi wa Kiyovu, undi ntiyahita yemera kuyasubiza, maze Prosper yitabaza RIB nk’Urwego rw’Igihugu rw’Ubugenzacyaha kugira ngo rumufashe kugaruza amafaranga ye.

Ikinyamakuru Fan Club cyagerageje kuvugana n’Umuvugizi wa RIB, bwana Dr Murangira B. Thierry, avuga ko agiye kubanza kuyakurikirana, ariko asaba ko tumwandikira ubutumwa bugufi, birakorwa ariko ntiyasubiza.

Hari andi makuru avuga ko Mvukiyehe Juvenal nyuma yo kugezwa muri RIB, yemeye guhita asubiza ayo mfaranga uko ari miliyoni 19, maze baramurekura, ariko asinyira ko agomba kuyasubiza kandi ikibazo cyarangiye.Gusa Muhirwa Prosper we yahakanye ko ayo mafaranga ye yayobye ataramugeraho.

 1,060 total views,  14 views today

Leave a Reply

Your email address will not be published.