Madagascar ivuga ko yavumbuye umuti n’urukingo rwa COVID-19 ubu igihugu cyose kiri mu kato

 0 total views

Igice kinini cy’ikirwa cya Madagascar kirimo n’umurwa mukuru, Antananarivo, cyasubijwe mu mategeko ya Guma mu Rugo kubera kwiyongera kw’ubwandu bwa coronavirus.

Madagascar ivuga ko yavumbuye umuti n’urukingo rwa COVID-19 yasubiye muri Guma mu Rugo

Nubwo iki gihugu gikomejwe kwibasirwa n’icyorezo cya COVID-19, ni kimwe mu bihugu byatangaje mbere ko byavumbuye umuti n’urukingo by’iki cyorezo.

Leta yatangaje ko izi ngamba zigomba gutangira kubahirizwa uyu munsi kuwa mbere kugeza tariki 20 z’uku kwezi kwa karindwi.

Itangazo rya leta rivuga ko Umuntu umwe gusa mu rugo ariwe uzemererwa kuva mu rugo hagati ya saa kumi n’ebyiri z’igitondo na saa sita z’amanywa.

Abayobozi bavuga ko izi ngamba zigamije kugabanya ikwirakwira ry’iki cyorezo gikomeje kwiyongera umunsi ku munsi nkuko bbc ibitangaza.

Leta ya Madagascar imaze gutangaza abantu 2,941 banduye Covid-19 muri bo 32 imaze kubica kuva yahagera mu kwezi kwa gatatu, mu gihe hamaze gufatwa ibipimo hafi 24,000.

Madagascar yavuzwe cyane mu makuru mu kwezi kwa gatanu ubwo Perezida Andry Rajoelina yatangazaga ko babonye umuti ushobora kuvura no kurinda iki cyorezo.

Uyu muti bise CovidOrganics ukoze mu byatsi byitwa Artemisia bisanzwe bivurwa malaria, watanzwe henshi mu mashuri mu gihugu.

Kuva icyorezo cya COVID-19 cyatangira kwibasira ibihugu byinshi gihereye mu Bushinwa mu mpera z’umwaka ushize, abagera kuri 11,579,892 bamaze kwandura, 537,173 barapfuye mu gihe 6,547,890 bavuwe bagakira.

 716 total views,  14 views today

Leave a Reply

Your email address will not be published.