UMUNTU WA MBERE MU RWANDA YAPFUYE AZIZE COVID19 YARI UMUSHOFERI:INKURU

 0 total views

Minisiteri y’Ubuzima mu Rwanda yatangaje ko mu masaha 24 ashize hagaragaye abantu bane bashya banduye Coronavirus, naho umwe akaba yahitanywe n’iki cyorezo ari nawe wa mbere gitwaye ubuzima kuva cyagaragara ku butaka bw’u Rwanda.


Icyorezo cya COVID19 giterwa na Coronavirus cyagaragaye ku butaka bw’u Rwanda ku wa 14 Werurwe 2020.

Leta y’u Rwanda yakajije ingamba zijyanye no gukumira ndetse n’ubwirinzi ku buryo abarwayi bagiye bagaragara bitaweho ku buryo kuri uyu wa Gatandatu tariki 30 Gicurasi 2020, aribwo hagaragaye umuntu wa mbere wishwe n’iki cyorezo.

Minisiteri y’Ubuzima yatangaje ko umurwayi witabye Imana ari umushoferi w’imyaka 65 wari utuye mu gihugu cy’abaturanyi, wahisemo gutaha mu Rwanda nyuma yo kuremba.

Minisante ivuga ko yitaweho n’abaganga mu kigo cyagenewe kuvura Coronavirus. Ariko yaje gupfa azize kwangirika imyanya y’ubuhumekero.

Muri rusange imibare igaragaza ko abamaze kwandura biyongereyeho bane bagera kuri 359
Ni mu gihe ku rundi ruhande abamaze gukira biyongereyeho batatu bagera kuri 250, naho umuntu umwe yamaze kwitaba Imana, ni ukuvuga ko abakirwaye ni 108
30-05-2020 saa 22:43′ By Akayezu Jean de Dieu

POSTED BY KABANDA JOSEPH KURI RWANDAPAPARAZZI.RW/TV

 547 total views,  6 views today

Leave a Reply

Your email address will not be published.