Perezida Kenyatta yashwanye n’umuhungu we amenye ko yarenze ku mabwiriza ya Guma mu rugo:INKURU

 0 total views

Mu gihe abarwaye covid-19 muri Kenya bakomeje kwiyongera, Perezida w’iki gihugu Uhuru Kenyatta yagiranye ikiganiro na NTV avuga ko umuhungu we yarenze ku mabwiriza ya guma mu rugo akamubaza uko yabaho mu gihe nyirakuru yapfa azize covid-19.

Kenyatta avuga ko mu kwirinda covid-19 umuntu adakwiye kwirebaho we ubwe gusa ko ahubwo akwiye no gutekereza ku ruhare rwe mu kurinda abandi.

Uyu mukuru w’igihugu yavuze ko umuhungu we yarenze ku mabwiriza ya guma mu rugo ajya mu birori mu mujyi wa Mombasa, ati “Namubajije nti ko uri kumwe na nyogokuru wawe arengeje imyaka 80, ukaba warenze kuri ayo mategeko, mbega nk’ubu hagira icyo aba, uzamererwa gute mu mutima”.

Yakomeje avuga ko abantu badakwiye kumva ko ingamba zo kwirinda covid-19 atari iza minisitiri cyangwa guverinoma ahubwo bakwiye kwibaza uruhare rwe mu kurinda abandi.

Abagera 75% by’abanyakenya bari munsi y’imyaka 30. Ibi biha Kenya akazi gakomeye mu guhangana na covid-19 gusa bishobora no kuba amahirwe.

Muri Kenya abamaze kwandura covid-19 ni 1,471 abamaze gupfa ni 55 abakize ni 408 abakirwaye ni 1,008.

Dail Nation yatangaje ko magingo Ngina Kenyatta, nyina wa Perezida Uhuru Kenyatta na Margaret Kenyatta umugore wa Perezida Kenyatta bari mu kato.

Perezida Kenyatta avuga ko yakariye cyane umuhungu we kuko yashyize mu ngorane ubuzima bwa nyirakuru we Ngina Kenyatta.

Nubwo bimeze gutya ariko Perezida Uhuru Kenyatta anengwa kuba atarashyize umuhungu we ahashyirwa abanyagihugu bikekwa ko banduye covid-19.

POSTED BY EEMY KURI RWANDAPAPARAZZI.RW/TV

Leave a Reply

Your email address will not be published.