Abakobwa b’ikimero banyeganyezaga imbuga nkoranyambaga Nka Instargrm Facebook barengeye he Ese COVID19 niyo yatumye baceceka? AMAFOTO>>

Muri iyi minsi mu Rwanda ndetse no hirya no hino ku isi abantu bari mu ngo zabo hirindwa ikwirakwizwa ry’icyorezo cya Coronavirus. Ibi byagize ingaruka ku bantu benshi bigera no kubakoresha imbuga nkoranyambaga bamurika imideri cyangwa se bamamaza. Ese ba bakobwa bazwiho ubwiza benshi bita ba Slay Queens batungwaga no gukoresha imbuga nkoranyambaga zabo bari he? Amafoto n’amashusho areshya akanakurura benshi barayafatira he batemerewe gusohoka? Ibi ni ibibazo umuntu utari muri aba abyumva nk’ibyoroshye ariko birakomeye kuko uru rwego rw’aba bantu rubaho kuko rwagiye mu ruhame kandi ubu ni ikizira.

Mu bakobwa n’abagore bagizwe rurangiranwa n’imbuga nkoranyambaga mu Rwanda twavuga nka Natasha Ndahiro, N-Super Sexy,A nto Mignone, Aline Keza, Aliane Uwimana,Nadia Umutoni, Agahozo Pretty Nation250, Simbi Fanique,Vanessa Uwase( Her Magesty), Shaddy Boo, Asna-Ashanti, Ishimwe Elcy, Chanty Rutayisire, Sainte Nadege Mimi, Miss Hertage 2015, Aisha Mutesi, Sandrine Isheja, Habibah H.A.B.I.B.A.H,T onnyQuiny, Akiwacu Colombe, Asinah Erra,Colombe Uwase, Kate Bashabe, Olga-Love n’abandi. Aba bose babaye nk’ababuriwe irengero muri iyi minsi ku mpamvu zitabaturutseho.

Ba Slay Queen baburiye he?

Muri iyi minsi abantu basabwa kuguma mu rugo kubera icyorezo cya covid-19, ba bakobwa b’ikimero bazwi nka ba ‘Slay Queens ntibakigaragara. Abantu batandukanye ku mbuga nkoanyambaga bakomeje kuvuga ko bakumbuye ya mafoto yabo babaga bashyiraho ubutitsa.

Nta washidikanya ko bari mu ngo zabo no mu macumbi muri iyi minsi abaturarwanda bose basabwa kuguma mu rugo. Ibyo byatumye ya mafoto batakibona aho bayifotoreza ndetse abandi ntibakibona aho basohokera ngo babone za nzoga zihenze bagurirwaga muri hoteli n’utubari duhenze kuko byose byafunzwe. Ibitaramo bikomeye by’imyidagaduro wasangaga bahuriyemo n’ibindi byamamare ntibikizaho.

Arihe Mbabazi Shadia (Shaddy Boo)?

Umwe mu bakobwa bazwi ku mbuga nkoranyambaga no mu bitaramo mu Rwanda no mu karere, Shaddy Boo, akurikirwa n’abasaga ibihumbi 688 ku rubuga rwa Instagram mugihe we akurikira abantu 189. Instagram ni rwo rubuga bigaragara ko akoresha cyane kurusha izindi. Benshi bamukundira imiterere ye n’uburyo abyinisha ikibuno agakurura abatari bake.

Shaddy Boo ni muntu wari umenyerewe guhora ashyira amafoto ye ku mbuga nkoranyambaga ,agaragaza nk’ibihe byiza yagiranye n’ikindi cyamamare basohokanye, ahantu heza yasohokeye n’andi menshi gusa kuri ubu ntakiri kubikora kuko aheruka kugira ikintu yandikaho mu minsi itatu ishize na cyo kidafitanye isano n’ibyo yari asanzwe ashyiraho.

Mu butumwa bwe bwo kuwa 22 Werurwe yashyizeho ifoto ye ayiherekesha amagambo agira ati” Ndakesha iyi virusi iberetse uko ubuzima ari bugufi. Mu kanya kamwe…amafaranga, akazi, gutembera, kuryoshya, nta na kimwe kigize icyo kikimaze…ubu icyo dukeneye ni uguhumeka.

Muri iyi minsi yo kuguma mu rugo, Shaddy Boo arihe? Ese nawe yemeye gucecekana n’abandi Banyarwanda?

Isimbi Noelline yavugishije imbaga kubera amafoto yashyiraga kuri Instagram yambaye ubusa we ari he? Isimbi Noelline we yamenyekanye cyane ubwo yashyiraga amafoto ye kuri Instagram rimwe na rimwe nta mwenda na mba. ubu we yaba yarahereye he?


Natasha Ndahiro ari he?

Uyu ni umukobwa wanyeganyeje Instagram mu mpera z’umwaka wa 2019, akaba yaramamaye cyane bitewe n’amafoto agaragara nk’ayakurura abasore ashyira ku rukuta rwe, ndetse hakaba n’abamukundira uburyo agaragara mu maso n’uburyo umubiri we uteye.


N-SUPER SEXY(Hyacinthe Weber)

Hyacinthe Weber ubu aba muri Applentom muri Leta ya Wisconsin ku mugabane w’Amerika aho yagiye ajyanywe no kwamamariza inzu y’imideri akaza kuhashakira n’umugabo.Yamenyekanye ho kwifotora agaragaza ikibuno cye, kuburyo nawe ubwe yakunze kuvuga ko ikibuno ari Impano Imana yamwihereye. Kutavuga kwe birava he? Ni inshingano z’urugo cyangwa yabonye bitari ngombwa?

ANTO MIGNO na ANTOINE MIGNONE bo barengeye he?

Aba ni abantu babiri bamamaye kuri Instagram kubera kumara igihe kinini mu rukundo Bambara imyenda isa cyangwa ijyanishijwe mu mabara no muri Mode, kandi bagakunda kwambara ibigezweho, bakanagaragara bifotoreza ahantu hahenze cyane. Aurore Mignone na Antoine bamaze gukora ubukwe. Gusa nta kindi kintu cyatumye uyu Aurore abona abamukurikira cyane uretse gushyira ahagaragara amafoto ye n’umukunzi we bambaye ibisa.

Uyu ntabwo amaze igihe kuri uru rubuga, ariko umwaka wa 2019 warangiye akurikirwa n’abarenga ibihumbi 46, kubera uburyo yahisemo kwamamaza ikibuno cye, n’imiterere y’umubiri. Kubera uburyo ateye, abantu basigaye bamwifashisha mu kwamamaza imyenda n’amazu y’imideri.

Nadia Umutoni kuri ubu akurikirwa n’abasaga ibihumbi 202 akaba aheruka gushyiraho ifoto ye mu minsi 2 ishize na yo yaje yaherukaga iyo kuwa 26 Werurwe

AGAHOZO PRETTY NATION 250

Uyu nawe ntabwo amaze igihe kirekire kuri Instagram. Gusa aho yagiriyeho yihatiye kwamamaza amafoto agaragaza imiterere ye no kugaragaza ikibuno, akanagaragara mu mashusho mato abyina indirimbo z’abahanzi mu Rwanda, bigatuma akurikirwa cyane.



SIMBI FANIQUE

Uyu azwiho kuba yaritabiriye amarushanwa ya Miss Rwanda, ari naho iri zina ryatangiye kumenyekanira muri 2017. Nyuma yaho nta kintu kidasanzwe yakunze kugaragaramo kuko yari n’umunyeshuri muri Kaminuza iHuye, ariko amafoto menshi agaragaza imiterere ye, yatumye asoza umwaka wa 2019 akurikirwa n’abarenga ibihumbi 46.

VANESSA UWASE (HER MEJESTY)

Uyu nawe yamenyekanye bwa mbere kubera kwitabira Miss Rwanda aba n’igisonga cya 1 ubwo Miss Jolly yambikwaga ikamba rya 2016. Nyuma yaho yabaye ikirangirire kubera gutegura ibitaramo hamwe na Teta Sandra, ariko ahanini gukundana n’aba Stars nka Olivis byamwongereye abamukurikira kuri Instagram, ariko biba akarusho kubera gushyira hanze amafoto agaragaza imiterere ye kuri Instagram.

ISHIMWE ELCY.

Yamenyekanye cyane ubwo byahwihwiswaga ko yaba akundana na King James. Ababonye amafoto ye mu binyamakuru batangiye kuyakunda nawe ahita akoresha ayo mahirwe atangira gukoresha Instagram n’ubwo yari akiri umunyeshuri. Kuvugwa mu binyamakuru byaje guhagarara ubwo yakoraga ubukwe n’umuntu utari uzwi cyane n’itangazamakuru. ariko nta gushidikanya ko Ubwiza bumugaragaraho inyuma, ari kimwe mubyamufashije kugira ibihumbi birenga 40 by’abantu bamukurikira.



Habiba H.A.B.I.B.A.H

Yamamaye ubwo yashwanaga n’abagize akanama nkemurampaka muri Miss Rwanda mu 2016 bamubwiye ko adashoboye kurenga ijonjora ry’ibanze, ariko ntibyamubujije kwitabira Miss Supranational nubwo naho atarenze umutaru. Kugeza ubu ariko, Instagram yamugize ikirangirire aho akurikirwa n’abarenga ibuhumbi 153.Aheruka gushyira ikintu kuri Instagram ye kuwa 23 Werurwe kandi nabwo yari amashusho ajyanye n’idini ye ya Islam.

Akiwacu Colombe

Miss Rwanda 2014, ubu ukunze kwibera mu bufaransa. Akunze gushyira hanze amafoto byavugwaga ko ashotorana, nk’amafoto yambaye utwenda two kogana, cyangwa imyenda imwegereye abagore bakorana sport. Ubu akurikirwa n’abasanga ibihumbi 115.

Colombe Uwase akurikirwa n’abasaga ibihumbi 106 akaba aheruka ifoto ye yashyizeho ejo ayiherekeresha amagambo agira ati”Dore ifoto mbere y’uko ibi byose bitangira”



Kate BASHABE

Uyu ni umwe mu bakurikirwa cyane kuri Instagram, akanakoresha uru rubuga yamamaza ibikorwa bitandukanye by’ubucuruzi akora. Akunda kwifotoza ari mu ndege, mu modoka zihenze, ari mu bihugu by’uburayi na Amerika, ariko cyane cyane abantu bakanakunda uko agaragara mu mafoto ndetse n’imiterere ye igaragara inyuma.

Kate Bashabe akurikirwa n’abasaga ibihumbi 431 akaba ari umuyobozi w’inzu y’imideri “Kabash”.Aheruka gushyira amashusho kuri Instagram ye mu minsi 5 ishize aho yashyizeho umuhungu uri kwigisha abantu ibijyanye no kwirinda coronavirus.

JOXY PARKER.

Bamwe muri bano bakobwa bazwiho cyane guhora batega Indege cyane bagiye mu bihugu bya barabu akenshi usanga ariho bose berekeza uretse umwe gusa uzwi nka Kate Bashabe we uyu munsi ufite umukinnyi w’umupira wamaguru uzwi kwizina rya Sadio mane ukina muri Liverpool..Ariko abandi bo usanga bereza mu bihugu bya barabu ndetse na Naigeria.

Ese ubu barihe abamikazi b’urubuga rwa Insagram nka:

Chanty Rutayisire akurikirwa n’abasaga ibihumbi 71 akaba aheruka gushyiraho amashusho ashishikariza abantu gukorera siporo mu rugo.Yagize ati”Siporo yo mu rugo itandukanye cyane n’iyo muri gym…ariko nanone tugomba kuyikora mu gihe tukiri muri ibi bihe by’akato”

Aline Gahongayire (Olga Love) ni umuvugabutumwa akaba n’umuhanzi w’indirimbo zihimbaza Imana. Akurikirwa n’abasaga ibihumbi 255 uyu munsi n’ejo yashyizeho amashusho ye akangurira abantu kuguma mu rugo no gukurikiza izindi gahunda za Leta mu rwego rwo kwirinda Coronavirus.

Sainte Nadege Mimi ni umuyobozi wa “Nana Design Collection” akaba akurikirwa n’abasaga ibihumbi 78.Aheruka gushyira amafoto ye kuri Instagram mu minsi 3 ishize ashimira abamwifurije isabukuru nziza

1.Aisha Mutesi
2.Miss heritage 2015
3.Asinah Erra

Bamwe ntitwavuga ko babaye ibirangirire kubera gushyira ku mbuga nkoranyambaga amafoto yabo gusa, abantu bagakunda uko bateye, cyangwa bagakunda ibyo baba bikoze mu mafoto n’amashusho bashyira ku mbuga nkoranyambaga. Gusa hari n’abakoresha izi mbuga bakamamaza ibyo bakora, kuburyo usanga barushaho kuba ibirangirire kurusha uko byari kuba bimeze iyo ziba zidahari.

Ahari nawe ushobora kwibaza uko babayeho cyangwa ukagira amatsiko mu gihe nkiki, Utekereza ute ubuzima bwabo muri iki gihe? ese yuma yo gutsinda COVID19 niki ufitiye amatsiko kuri aba bamikazi b’imbuga nkoranyambaga?

Posted by Emmy kuri Rwandapaparazzi.rw/tv

Leave a Reply

Your email address will not be published.