Abaganga benshi ntibemeranya na Minisitiri wabujije abakobwa guca imyeyo ubundi bikorwa gute? bimaze iki? INKURU>>

 0 total views

Bamwe mu baganda muri Uganda ntibemeranya na Minisitiri w’Uburinganire n’Umuryango, Peace Mutuuzo watangaje ko umugenzo wo guca imyeyo ugira ingaruka ku mwana w’umukobwa.

Aba baganga bashingira ku bushakasatsi bakoze kuri uyu mugenzo wo gukwedura kamwe mu duce tugize igitsina cy’abagore, bwagaragaje ko nta ngaruka na nkeya bahura nazo.

Dr. Adam Kimala uzobereye mu kubaga yagize ati: “Twakoze ubushakashatsi, bigaragara ko nta ngaruka guca imyeyo bigira ku wabikoze. Iri ni ibanga ry’abagore kuko ntihabaho gukomeretsa cyangwa gukata igice cy’igitsina cyabo. Hari utwatsi bakoresha kugira ngo boroshye umubiri mu gihe bakora uyu mugenzo.”

Dr. Kimala mu nkuru ya New Vision yakomeje ati: “Mu muco wo mu Buganda, umugore utaraciye imyeyo, yewe n’umugabo we ntamwubaha, amufata nk’utuzuye.”

Ingingo ya Dr. Kimala kandi ayihuza na Dr. Sam Kalibala wemeza ko umugore waciye imyeyo aryoshya imibonano mpuzabitsina, abafite urushako rukabahira.

Dr. Kalibbala we ngo abona Minisitiri yarihuse kunenga uyu mugenzo. Yagize ati: “Minisitiri Mutuuzo yihutiye kunenga uyu mugenzo. Yitiranyije umugenzo wo gusiramura (FGM) abakobwa kandi birahabanye cyane. Minisitiri narekere abantu umuco wabo.”

Minisitiri Mutuuzo yatangaje tariki ya 5 Gashyantare 2020 ko umugenzo wo guca imyeyo ntaho utandukaniye no gukebwa uzwi nka FGM(Female Genital Mutilation). Agaragaza ko hari impungenge ku bana b’abakobwa babikora, akaba yarabasabye kujya bagaragaza ababashuka ko babikore. Yavuze ko leta ya Uganda ifite gahunda yo gushora imari mu bikorwa birwanya imico nk’iyi kandi ubukangurambaga buzakorerwa mu mashuri abanza, aho abana bato badukiriye uyu muco.

POSTED BY EMMY KURI RWANDAPAPARAZZI.RW/TV

 294 total views

Leave a Reply

Your email address will not be published.