Muri Congo imyigaragambyo yarose,yamagana gucamo ibice Congo abaturage batangiye guhangana n’abapolisi:INKURU>>

Nk’uko byatangajwe na Martin Fayulu mu mpera z’Ukuboza 2019, uyu munsi tariki ya 17 Mutarama 2020, hatangiye imyigaragambyo yamagana umugambi wo gucamo ibice Repubulika Iharanira Demukarasi ya Congo n’ubwicanyi bukomeje gukorerwa abatuye muri Beni.

Iyi myigaragambyo yiswe iy’amahoro ku ruhande rwa Martin Fayulu na Adolphe Muzito yatangiriye muri misa yabereye muri Paroisse Sainte Famille muri Komine ya Masina mu murwa mukuru, Kinshasa gusa nyuma yo kugera mu muhanda wa Tshangu. Amakuru ya Actualite.CD avuga ko abandi babarirwa mu magana, bigabye i Goma, na bo bakora imyigaragambyo ifite intego imwe n’iy’abo muri Kinshasa.

Biziritse udutambaro twera mu mutwe, abarimo Fayulu na Muzito bambaye n’amashati yera. Batangiye guhangana na polisi kuko mbere Guverineri wa Kinshasa, Gentiny Ngobila na Gen. Sylvano Kasongo uhagarariye polisi muri Kinshasa bari bababujije gukorera iyi myigaragambyo muri uyu murwa. Ibyuka biryana mu maso ni byo polisi iri kwifashisha mu gutandukanya aba bigabije imihanda biganjemo abayoboke bari mu huriro mpuzamashyaka rya LAMUKA.

Umugambi wo gucamo ibice Repubulika Iharanira Demukarasi ya Congo ni imwe mu ngingo ziri kuvugwaho cyane mu karere. Bamwe mu banyapolitiki batavuga rumwe n’ubutegetsi n’abandi bavuga ko bakunda igihugu, batangaje ko babyamaganye, igisirikare cy’igihugu na cyo cyarawamaganye, Perezida Félix Tshisekedi yakuyeho impungenge, avuga ko nta n’agace gato kazava ku butaka bw’igihugu ayoboye. Ibice bivugwa ko bizomorwa kuri iki gihugu ni intara za Kivu zombi na Maniema.

Gusa imyigaragambyo isa n’indashyigikiwe n’inzego z’igihugu, cyane ko uretse na Guverineri Ngobila na polisi iri kuyiburizamo, n’ubuyobozi bw’igisirikare bwatangaje ko ‘uwo mu muryango w’umusirikare uzigaragambya, uwo musirikare azirukanwa ku kazi’.

Mu mugi wa Goma ngo naho hari ababarirwa mu magana

POSTED BY UWINEZA VANESSA KURI RWANDAPAPARAZZI.RW/TV

Leave a Reply

Your email address will not be published.