Ubushomeri buba Uganda bwatumye yihindura umugore ibyumweru bibiri kandi ari umusore:INKURU

Richard Tumushabe washyingiranwe na Imam witwa Mohamed Mutumba, bakamarana ibyumweru bibiri ataramenya igitsina cye yasobanuriye itangazamakuru ko yabitewe no kubaho nta kazi agira.

Tumushabe yashakanye na Imam Mohamed, yiyise Swabullah Nabukeera, amazina asanzwe yitwa ab’igitsina gore. Yagejejwe imbere y’ubutabera ejo tariki ya 14 Mutarama 2020, asobanuro imibereho ye na bagenzi be badafite akazi mu mugi wa Kampala, amaze kuva mu rukiko nyuma yo kwemera ibyaha bibiri; ubujura n’icyaha twakwita nk’ishyano nk’uko the Daily Monitor dukesha aya makuru ibivuga.

Richard Tumushabe yavuze ko we na bagenzi be batagira akazi bagiye gushaka akazi mu mugi wa Kampala, barakabura, banzura kujya barara mu muhanda. Ngo bakiraga abakire baje mu mamodoka, bagasezerana ko bararana, na bo bakabaha amafaranga.

Swabullah Nabukeera (Tumushabe) yamenyekanye ko ari umugabo ubwo yajyaga kwiba mu rugo rw’umuturanyi rwa Imama Mohamed, bamubona asimbuka urupangu. Imam Mohamed yasobanuye ko bakimara gushyingirwa, Nabukeera yamubeshye ko ari mu mihango kugira ngo badakora imibonano mpuzabitsina, akaza kumuvumbura.

Ikibazo cy’ibura ry’akazi giteye impungenge mu bihugu byinshi byiganjemo ibiri mu nzira y’iterambere, kikaba umwihariko mu rubyiruko. Bituma rukora imirimo igayitse nk’ubujura n’uburaya nk’uko byagenze kuri Richard Tumushabe. Urubyiruko ni rwo mbaraga z’ibi bihugu ariko kiba ikibazo iyo rudakoze ibyubaka, ahubwo rukajya mu byangiza n’ubuzima. Ni uruhare rwa buri wese mu gushaka impamvu nziza zose zibyara imirimo yunguka, ingeso nk’izi zikirindwa.

POSTED BY UWINEZA VANESSA KURI RWANDAPAPARAZZI.RW/TV

Leave a Reply

Your email address will not be published.