Ibintu ’biteye ubwoba’ Uyu Umuhanuzi ukomeye kw’isi T. B.Joshua avuga kubizaba mu mwaka wa 2020:INKURU

Uwashinze Itorero The Synagogue Church of All Nations (SCOAN) umuhanuzi, pasiteri, Temitope Balogun Joshua uzwi nka T. B. Joshua avuga ko umwaka wa 2020 uzabamo ibintu byinshi haba muri politiki n’ubukungu ndetse akaburira ibihugu gufata ingamba ku kibazo bimwe na bimwe nko ku Buhinzi.

T. B. Joshua yatangaje ibi kuwa 7 Mutarama 2020 ubwo yasobanuraga impamvu atagaragaye mu bikorwa by’urusengero ayobora mu cyumweru cyose gishize. Yahishuye ko yari amaze iminsi mu masengesho yo mu misozi atigeze atangaza amazina, asenga ngo avugane n’Imana nk’uko ibinyamakuru binyuranye byo muri Nigeria byagiye bibigarukaho.

Uyu wiyita umuhanuzi avuga ko kuwa 28 Ukuboza 2019, yeretswe byinshi mu bizabera ku Isi mu mwaka wa 2020. Muri ibi harimo intambara itarangira hagati ya Iran na Leta Zunze Ubumwe za Amerika

Kuri Perezida wa Nigeria, Muhammadu Buhari na Visi-Perezida we, Yemi osinbajo

T. B. Joshua ati ” Mureke dusengere Leta ya Nigeria kugira ngo izasoze uyu mwaka hatabaye isubiranamo.”

Kuri Visi-Perezida Osinbajo, yagize ati ” Ntabwo birarangira. Witege igitutu cyinshi. Igitutu kizaba ari cyinshi. Nzagusengera kugira ngo uhangane nacyo.”

T. B. Joshua ngo yeretswe urupfu rwa Maj. Gen. Qassem Soleimani

Mu magambo ye ati: ” Neretswe ikintu cyari kuzaba ku gihugu cya Iran nyuma kigateza impagarara ku Isi yose. Turacyasenga ngo Imana itwereke byinshi kuri iki kibazo.”

Ibi uyu mugabo yari yabitangaje ku wa 28 Ukuboza 2019, mbere y’uko Amerika igaba igitero ku kibuga cy’indege cya Bagdad, igahitana Gen. Soleimani.

Ubuhanuzi kuri Amerika

T. B. Joshua asaba Amerika “gushora imari mu buhinzi” no ” Gutera akanyabugabo abahinzi bo muri iki gihugu” kuko ngo mu gihe cya vuba ishobora guhura n’imbogamizi zikomeye z’ubukungu.

Ubu butumwa yanabugeneye abategetsi ku Isi yose ngo bakwiye gushyira imbaraga mu buhinzi kuko ngo ibibazo by’ubukungu muri 2020 bishobora kuzaba ari ingorabahizi.

Ku matora ateganyijwe muri Amerika mu Gushyingo mu mwaka wa 2020, T. B. Joshua avuga ko azinjirirwa nk’aherutse.

Ati: “Na none uburyo bwo gukemura umutekano buzagira ingaruka ku bakandida kandi bizashyira abatora mu gihirahiro. Bizaba bikomeye mu gihe cy’amatora. Bakwiriye gusenga.”

Ubuhanuzi ku Burusiya

T. B. Joshua asaba Abarusiya gusabira Perezida wabo, Vladmir Putin kuko ngo akwiye kwirengagiza ibidafite umumaro kandi ngo byashoboka igihe byaba bigenze gutyo.

Ubuhanuzi ku kuva k’Ubwongereza mu Muryango w’Ubumwe bw’Ibihugu by’Uburayi, EU (BREXIT)

T. B. Joshua avuga ko igice gishyikiye BREXIT gifite ubwoba. Asaba abantu gusengera umuryango w’i Bwami. Avuga ko hakenewe igihe ngo ibi bibe byakorwa.

Ati: “Brexit iracyakeneye umwanya, haracyakenewe gukorana n’abayobozi ba EU. Bitabaye ibyo hazaba ingaruka z’ubukungu kandi ibiciro by’ibintu bizazamuka ku rugero rukabije. Kwitegura neza bijyanye n’igihe, bizagenda neza.”

T. B. Joshua kandi yavuze ku mfu z’abategetsi muri uyu mwaka wa 2020. http://bwiza.com/?Uyu-mwaka-uzarangira-abategetsi-bamwe-ari-indembe-kandi-benshi-bazapfa

Muri rusange, T.B. Joshua avuga ko umwaka wa 2020 uzaba uwo gucishwa bugufi kuri mwenemuntu. Ati: “Uyu mwaka uzaducisha bugufi binyuze mu ngorane zacu.”

Uyu mugabo avuga ko umuti kuri ibi bibazo ari “Ukurushaho kwegera Imana.”

Temitope Balogun Joshua yavutse ku wa 12 Kamena 1963. Yavukiye muri Nigeria muri Leta ya Ondo. Uyu mugabo washatse no kujya mu gisirikare bikanga, azwiho imbaraga zo guhanura ibintu ngo bikaba ndetse no gukiza indwara akoresheje amazi yiswe ’Anointing water’.

Aya ngo yakijije umukobwa wariraga amaraso ndetse n’umugabo wari ufite imyitwarire nk’iy’imbwa.

Uretse guhanurira abasengera mu itorero rye, bivugwa ko yagiye ahanura ibintu byinshi bikaba.

Ibi birimo urupfu rw’umuririmbyi Michael Jackson, uwari kwegukana igikombe cya Afurika hagati ya Nigeria na Zambia, urupfu rwa Perezida wa Malawi, Bingu wa Mutharika mu 2012, impanuka y’indege ya Malaysia Airways, ibitero by’iterabwoba byabaye mu bihe bitandukanye, amatora yo muri Amerika n’ibindi.

Abamunenga bavuga ko T.B Joshua hari agihe avuga ibintu bikaza ari uruvange, ntibigende neza nk’uko yari yabivuze. Ni umwe mu bantu bivugwa ko bafite ubukire ndetse n’ababakurikira ku mbuga nkoranyambaga benshi ku Isi.

Bamwe mu bategetsi bo muri Afurika barimo Perezida wa Cameroon, Paul Biya yaramwikomye amubuza kugera mu gihugu cye.

Ntiyoroherwa kandi n’abandi bavugabutumwa bo muri Nigeria nka Chris Okotie uvuga ko T.B Joshua ari “umuhungu wa Sekibi”
Abandi nka Enoch Adeboye, David Oyedepo, Ayo Oritsejafor, Paul Adefarasin bamufata nk’uwishushanya.

POSTED BY UWINEZA VANESSA KURI RWANDAPAPARAZZI.RW/TV

Leave a Reply

Your email address will not be published.