KIGALI:Ubukwe bw’umugore ukuze n’umusore ukiri muto bwajemo kidobya umukobwa we ashaka kubwica:INKURU>>>

 0 total views

Impaka zari zose mu biro by’Umurenge wa Jali, Akarere ka Gasabo, Umujyi wa Kigali, aho Mukampabuka Beatrice wari uje gusezerana na Nizeyimana Jean Marie Vianney, ibirori byabo byatambamiwe n’umukobwa w’uyu mugore utifuzaga ko basezerana ivangamutungo.

Umunyamabanga Nshingwabikorwa w’Umurenge wa Jali, Ndanga Patrice wasezeranyaga uyu muryango, yabanje gusaba ko bajya kuzana ibyangombwa by’umutungo wa Beatrice, ngo barebe niba uyu mukobwa awufiteho uruhare.

Umukobwa w’uyu mukecuru yavugaga ko umutungo wa nyina awufiteho uruhare rwa 50% ariko nyuma y’amasaha atatu byahagaze, ubwo ibyangombwa byazanwaga byagaragaye ko umutungo ari uwa Beatrice, yemererwa gusezerana n’umukunzi we.

Bamwe bavugaga ko uyu musore yemeye gusezerana n’uyu mugore ukuze ngo kubera ko amukurikiyeho imitungo ari nayo n’uyu mukobwa we yarwaniraga. Gusa abandi nabo bakemeza ko bakundanye imyaka myinshi.

Uyu ati “Ni agahomamunwa rwose,abasore bashaka amafaranga, bakabaye bashaka abagore batagamije imitungo, uko bigaragara iyo tubonye abasore batoya barimo gushaka abantu bakuze twebwe tubifata nk’urimo gushaka imitungo”.

Undi ati “Byari bitubabaje ariko tugize amahirwe bicamo, imitungo siyo akurikiye icya mbere ni urukundo, ibyo tubonye ni agahomamunwa ariko birakunze barasezerana. Iyo umuntu akundana n’undi barahuza bakavanga imitungo”.

Uti “Njyewe ntabwo nabyishimiye, umuntu ukuze ungana kuriya ibyabaye ntabwo byagombaga kumubaho pe”.

Beatrice amaze gusezerana n’umukunzi we yatangarije itangazamakuru ryari aho ati “Ikibazo kirakemutse badusezeranije, nari kuba mpombye byinshi kuba nari naje gusezerana n’umugabo wanjye ngo twuzuze amategeko y’abashakanye, tuve mu burara n’ubusambanyi na Leta tuyereke ko tubana nta buryarya, biranshimishije kuba twemerewe gusezerana nanazamuriye Imana ikiganza kuko aho umwana w’umuntu atari Imana irahahagarara”.

Uyu mubyeyi yanze gutangaza imyaka afite, ati “Ariko se ndi mu ibarura? imyaka mfite iranyemerera gusezerana”.

Nizeyimana na we ati “Nagenze amasaha abiri na moto nsubira kuzana ibyangombwa mu rugo, ndishimye kuba nsezeranye n’umugore wanjye nakunze, hari byinshi twashakanye kuva mu 2013 niyo mpamvu twagombaga kuvanga, ndishimye kandi nshimira n’uwiteka wabimfashijemo”.

Umunyamabanga Nshingwabikorwa w’Umurenge wa Jali, Ndanga Patrice ati “Nta mpamvu ishobora gutuma tutabasezeranya mu gihe bagaragaje ibyemezo twabasabye bigaragaza ko ubutaka ari ubwabo 100%”.

Yakomeje avuga ko ubutaka umubyeyi aba abufiteho uburenganzira 100% umwana akazabugiraho ububasha agiye kuzungura umubyeyi utakiriho.

POSTED BY EMMY KURI RWANDAPAPARAZZI.RW/TV KGL

 763 total views,  2 views today

Leave a Reply

Your email address will not be published.