Perezida Museveni nawe yakoze impinduka mu gisirikare:INKURU>>>

Perezda wa Uganda akaba n’Umugaba w’Ikirenga w’Ingabo z’iki gihugu (UPDF) yasimbuje Umugaba w’Ingabo zirwanira ku butaka, Maj. Gen. Paul Lokech.

Uyu yasimbujwe Brig. Gen. Charles okidi wari usanzwe ashinzwe ibikorwa bya gisirikare ku biro bikuru nk’uko Umuvugizi wa UPDF, Brig. Gen. Richard Karemire abitangaza.

Karemire yabwiye Chimpreoprts ko “Gen. Okidi yazamuwe mu ntera kuwa 27 Ugushyingo 2019.”

Gen. Lokech agiye gukomereza imirimo mu gihugu cya Sudani y’Amajyepfo mu bijyanye no guhuza ingabo z’iki gihugu.


Gen. Okidi wasimbuye Gen. Lokech (uri ku ifoto hejuru)

Mu zindi mpinduka, Brig. Gen. Francis Takirwa wari usanzwe ayobora iby’uburezi na siporo muri UPDF, yagizwe umuyobozi wa diviziyo ya kabiri, irinda imbibi mu burungerazuba ku ruhande rwa Congo-Kinshasa.

Uyu yasimbuye Brig. Gen. Muhanga Kayanja woherejwe mu masomo mu gihe umwanya we wahawe Brig. Gen. Wilson Muhabuzi.

Gen. Takirwa yabaye ushinzwe ibikorwa bya gisirikare muri UPDF, umuyobozi wungirije wa diviziyo ya kane ku biro bikuru i Gulu, umuyobozi w’ishuri ry’imyitozo ya gisirikare rya Singo, umuyobozi wa batayo ya 3 ndetse n’ushinzwe ibikorwa bya gisirikare n’imyitozo muri batayo ya 73.

Uyu kandi yabaye ushinzwe ibikorwa bya gisirikare mu basirikare barinda umukuru w’igihugu ndetse yanahagarariye UPDF mu nteko ishinga amategeko ya Uganda.

Mu zindi mpinduka, Brig. Gen. Sam Omara yagizwe uharariye UPDF muri Aligeria.

Perezida Museveni yari aherutse gukora impinduka muri UPDF mu minsi ishize ubwo yazamuraga umuhungu we, Lt. Gen. Muhoozi Kainerugaba ndetse akagira bajenrali fulu (full general) Ivan Koleta na Joram Mugume.

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.