Ishyingurwa ry’umurambo wa mushiki wa Fred Rwigema, Joy Agabe uko byari bimeze:INKURU>>

Biravugwa ko mushiki wa Fred Gisa Rwigema, Joy Agabe byavugaga ko yapfuye yaba yashyinguwe kuri uyu wa 29 Ugushyingo 2019 .

Inkuru y’urupfu rwa Joy Agabe yamenyekanye tariki ya 23 Ugushyingo, bivugwa kwinshi, ko ashobora kuba yarishwe gusa aya amakuru yateje impaka nk’uko byagaragaraga ku mbuga nkoranyambaga kuva byatangazwa.

Gusa RIB yatangarije bwiza.com ko itigeze imenya ibijyanye n’urupfu rwa Joy. Bishoboka ko ibitangazwa ku mbuga nkoranyambaga byaba ari ibihuha byabashaka guharabika., bityo ukuri kukaba kuzwi n’umuryango wa nyakwigendera

Joy Agabe bivugwa ko yakoraga ubucuruzi (business). Kumenyekana kwe guturuka kuri musaza we uri mu ntwari z’u Rwanda, Fred Rwigema wayoboye urugamba rw’ingabo za RPA/RPF ziza kubohora igihugu n’ubwo yaruguyemo. Rwigema ni na we washinze umutwe wa RPA winjiye mu Rwanda uturutse muri Uganda.

Rwigema kandi yabohoje Uganda yari iyobowe na Milton Obote, Museveni afata ubutegetsi ndetse nta gushidikanya ko yagize uruhare mu gutahuka kw’impunzi z’abanyarwanda ubwo urugamba rwo kubohora u Rwanda yatangije rwari rugeze ku musozo.

Niba ari ukuri, Joy akaba yarashyinguwe ejo nk’uko amakuru abivuga, amafoto yagiye hanze agaragaza abantu bake bari muri uyu muhango kandi Joy yakabaye afite inshuti nyinshi muri politiki, mu mahanga, abo bakoranaga ubucuruzi, abo babanaga mu Rwanda, gusa umuntu yakwibaza impamvu bitavuzwe cyane cyangwa ngo abantu besnhi bashishikare gutabara no kwitabira umuhango w’ishyingurwa.

Birasa n’aho we n’umuryango we nta nshuti bagiraga cyangwa zikabaho zibagaragarizaga ko ari zo ariko ntizigaragare mu gutabara umuryango we, cyangwa se uyu muryango ukaba waragize iby’urupfu n’uyu muhango ibanga. Hibazwa ukuntu umuryango nk’uyu unanirwa kumenyesha abanyarwanda amakuru nk’aya ngo babatabare.

Iby’urupfu rwa Joy biravugwa kwinshi kuko yapfuye bitunguranye mu buryo busa no gukenyuka adasanzwe arwaye nk’uko bikomeje gukwirakwizwa, bivugwa. Amakuru adafite gihamya akomeza avuguruzanya avuga ko yaba yarazize uburwayi, uburozi cyangwa urundi rupfu… gusa ibi byose ntawe ukwiye kubyemeza mu gihe umuryango we utagize icyo utangaza.



Ifoto ya Joy Agabe

POSTED BY EMMY KURI RWANDAPAPARRAZZI.RW/ KGLI

Leave a Reply

Your email address will not be published.