Dore ubukwe budasanzwe bw’umugeni bazaniye mu isanduka bahambamo abapfuye:AMAFOTO>>

Abatashe ubu bukwe ndetse n’ababonye amashusho ku mbuga nkoranyambaga batunguwe n’ubukwe bw’umugeni waziye mu isanduku bashyinguramo abapfuye.

Kuba yaje mu isanduku ni biratangaje ariko ibyakurikiyeho na byo ntibisanzwe.

Amashusho agaragaza isanduku y’umweru iteretse hagati mu bantu bacanye telefone biteguye gufotora no gufata amashusho. Umugabo we bagiye gushyingiranwa (utagaragara neza) yari ahagaze iruhande rw’iyi sanduku yari itwikiriwe umwenda w’umukara. Yakuyeho wa mwenda maze arayifungura, umugeni asohokamo.

Uyu mugeni bivugwa ko ari uwo muri Ghana akimara gusohokamo, yakiriwe n’abitabiriye ubukwe maze bafata amafoto n’amashusho, bizihiwe n’urusaku rwinshi.

Nk’uko bisanzwe, abageni bambara amakanzu yera ariko we yahisemo kwambara ikanzu isa na zahabu n’umusatsi w’umweru.

Ubutumwa bw’ababonye aya mashusho bwari butandukanye, bamwe bashimira umugeni ku bw’agashya bakoze, abandi babifata nk’uburwayi bwo mu mutwe, yewe hari n’abafashe umwanzuro wo kutazakora ubukwe (bikinira).

Ngaya aya mashusho yagiye hanze tariki ya 16 Ugushyingo 2019, biciye kuri Twitter y’uwitwa @postsubman. Hagaragara n’ubutumwa butandukanye bw’abatanze ibitekerezo, biganjemo abanenga aba bageni: https://twitter.com/Postsubman/status/1195614578043953152

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.