Uganda ikwriye kurwanya magendu iwayo aho kwijujuta igihe turinze umutekano iwacu-Nduhungirehe:INKURU>>

Umunyamabanga wa Leta muri Minisiteri y’Ububanyi n’Amahanga Ushinzwe Umuryango wa Afurika y’Iburasirazuba (EAC), Amb. Olivier Nduhungirehe yabwiye bwiza.com ko Uganda ikwiriye kurwanya magendu ku ruhande rwayo, aho kwijujuta igihe u Rwanda rwagize icyo rukora ngo rurinde umutekano warwo.

Amb. Nduhungirehe avuga ku itangazo Uganda yashyize hanze yikoma u Rwanda ku iraswa ry’abaturage bayo babiri barashwe na polisi bagerageza kwinjiza magendu mu Rwanda, yaomeje abwira Bwiza.com ko umuti w’iki kibazo ari uko Uganda yabuza abaturage bayo gukora magendu.

Ati “ Uganda igomba kurwanya magendu ku ruhande rwayo rw’umupaka ndetse ntiyijujute igihe turinze ituze n’umutekano ku ruhande rwacu.”

Yavuze ko “ abarashwe bari abanyabyaha, aho kuba abacuruzi. Ni abacuruzi ba magendu bagerageze guhangana na polisi.”

Uyu muyobozi yavuze ko ntacyo yakongeraho ku bikubiye mu itangazo ryashyizwe hanze na polisi kuwa 10 Ugushyingo rivuga ku iraswa ry’Abagande babiri bari batwaye magendu.

Ku rundi ruhande, Uganda yavuze ko yamaganye iraswa ry’abaturage bayo, ivuga ko batari kuraswa kandi nta ntwaro ngo bari bafite.

POSTED BY UWINEZA VANESSA KURI RWANDAPAPARAZZI.RW/ KGLI

Leave a Reply

Your email address will not be published.