Abayobozi b’inyeshyamba za FLN, FDLR na RUD-Urunana bari ku rutonde rw’abinjiza akayabo [REBA HANO]>>>>

 0 total views

Abayobozi b’inyeshyamba za FDLR, Lt. Gen. Byiringiro Victor Rumuri, uwa FLN, Gen. Hamada na RUD-Urunana, Gen. Africa Jean Michel bari mu bafite ibikorwa byinjiza amafaranga menshi mu Burasirazuba bwa Congo.

Ni ubucukumbuzi bwakozwe na Rwandatribune.com yifashishije ibinyamakuru bitandukanye nka Iminembwe iwacu,Gatoyi actualites,binzainfo ndetse na Raporo yo kuwa 18 Ukuboza 2018yakozwe n’Itsinda ry’inzobere z’Umuryango w’Abibumbye zikora iperereza ku mutekano mu burasirazuba bwa Repubulika Iharanira Demokarasi ya Congo.

Kuri uru rutonde hagaragaraho, Gen. Maj. Habimana Hamada umukuru w’inyeshyamba za CNRD zitwa FLN ufite ibirindiro ahitwa Kirembwe ho muri Kivu y’Amajyepfo imitungo ye ayivana mu gukura amabuyey’agaciro, gushimuta abaturage no gusatuza imbaho
Bivugwa ko afite amazu mu murwa mukuru Kampala mu gihugu cya Uganda ikaba icungwa na muramu we.

Iyo mitungo y’uyu mugabo ifite agaciro ka Miliyoni 8 z’amadorari.

Undi ni Lt. Gen. Iyamuremye Gaston uzwi ku mazina ya Byiringiro Victor Rumuli akaba Perezida w’umutwe w’inyeshyamba za FDLR.
Hari amakuru avuga ko binyuze ku mutwe udasanzwe uzwi ku mazina ya CRAP yinjiza ibihumbi 8,000 by’amadolari ya Amerika buri kwezi.

Aya mafaranga akomoka ku bucukuzi bw’amabuye y’agaciro, gutwika amakara no guhinga urumogi.

Aya makuru akomeza avuga ko Gen.Byiringiro afite amazu mu mujyi wa Brazaville afite agaciro k’ibihumbi 20 by’amadolari ya Amerika ndetse ko no ku cyambu cya point Noir ahafite amato y’ubucuruzi atandatu.

Mu gihugu cy’Ububiligi ngo ahafite inzu yo guturamo ifite agaciro k’ibihumbi 80 by’amadolari. Iyi mitungo ikaba icungwa n’abana be n’umugore bibera muri Congo Brazaville.

Undi ni Gen.Musabyimana Juvenal uzwi nka Afurika Jean Michel, uvuka mu Karere Nyabihu,washinze RUD URUNANA inyeshyamba ayoboye zikaba zibarizwa mu bice bya Binza na Kirama ho muri Kivu y’Amajyaruguru.

Izi nyeshyamba zikura amikoro mu bikorwa byo gusoresha abaturage ubutaka bwa Hegitari 600, zikuramo akayabo k’ibihumbi 12000 by’amadolari buri kwezi.

Gen. Afrika afite imashini zihinga 20 zifite agaciro k’ibihumbi 100 by’amadolari ya Amerika ndetse ngo afite inzu muri Uganda ahitwa Nakulabye ifite agaciro ka miliyoni ebyiri z’amadorari, hakiyongeraho amakamyo 12 akururanwa akorera mu mijyi ya Butembo na Goma.

Inyeshyamba za FDLR zishinjwa ibyaha byibasiye inyokomuntu mu burasirazuba bwa Congo-Kinshasa ndetse rimwe na rimwe zagiye zigaba ibitero bigahitana Abanyarwanda mu Karere ka Rubavu.

FLN nayo yaravuzwe cyane mu bitero byibasiye Akarere ka Nyaruguru naho RUD-Urunana bivugwa ko ari yo iherutse kugaba ibitero mu Karere ka Musanze bigahitana 14.

Kuri ubu izi nyeshyamba ziri ku rutonde rw’izigomba kugabwaho ibitero mu bufatanye bw’ingabo z’ibihugu bitanu byo mu karere.

Src: bwiza.com

 

 

 973 total views,  8 views today

Leave a Reply

Your email address will not be published.