Aya makuru niki kiyihishe inyuma U Rwanda rwavuze ku nkuru yerekeye uwishe Gen. Fred Rwigema yakwirakwiye muri Uganda:INKURU>>

Umunyamabanga wa Leta muri Minisiteri y’Ububanyi n’Amahanga  ushinzwe EAC,  Amb. Olivier Nduhungirehe avuga ko muri Uganda hongeye kwandikirwa indi nkuru yise ‘ikinyoma’ ivuga ku waba yarishe Gen. Fred Rwigema wayoboye urugamba rwo kubohoza u Rwanda.

Ni inkuru y’ikinyamakuru bivugwa ko kiri mu kwaha kwa cya Leta ya Uganda cyitwa The New Vision. Mu nkuru cyashyize hanze kuri uyu wa 13 Ukwakira kuri paji ya 4, ifite umutwe ugira uti “ I saw Rwigyema being killed- Ex Fighter ari byo kuvuga ngo “ Nabonye Rwigyema yicwa-uwahoze ari umurwanyi”

Uvuga ibi ni uwitwa Maj. Michael Mupende uvuga ko ari mu bari imbere ubwo urugamba rwo kubohora u Rwanda rwatangiraga kuwa 1 Ukwakira 1990 ruyobowe na Maj. Gen. Fred Rwigema waje gupfa kuwa 2 Ukwakira mu buryo butunguranye.

Iyi nkuru u Rwanda ruvuga ko ari ibihuha.

Avuga kuri aya makuru, Amb. Nduhungirehe yavuze ko ari puropaganda yo kwibasira u Rwanda.

Ati “ Nyuma y’amakuru y’ibihuha ngo Perezida Kagame yahuye na Kizza Besigye, dore indi nayo ya puropaganda irwanya u Rwanda iturutse ku kinyamakuru cya Leta [Uganda].”

Avuga ko ibi bihabanye n’amasezerano yashyiriweho I Kigali hagati y’u Rwanda na Uganda yo kutongera kunyuza puropaganda mu bitangazamakuru, nk’imwe mu nzira yo kuvugutira umuti umubano w’ibihugu byombi wajemo kidobya mu myaka ibiri ishize.

Mu Kugereranya n’uko uwahoze ari Perezida w’u Rwanda yasuzuguye amasezwerano ya Arusha, Nduhungirehe ati “uwahoze ari Perezida w’u Rwanda yavuze ko Amasezerano ya Arusha ari ibipapuro.”

Mu minsi mike ishize kandi u Rwanda rwavuze ko inkuru ya The New Vision yavugaga ko Perezida Kagame wari muri Amerika yaba yarahuye na  Rtd. Col. Dr. Kizza Besigye Kifefe,umwe mu batavuga rumwe na Museveni.

Ibirigukorwa n’ibinyamakuru byo muri Uganda, Minisitiri w’Ubutabera w’u Rwanda, Johnston Busingye yari yavuze ko ari ukwica nkana amasezerano ya Louanda muri Angola.

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.