Umugabo wanjye yamfashe nsambana na mukuru we ntugurwa no kubona bimunejeje- Nkore iki?

N’ubwo nzi neza ko gusambana ari icyaha ariko byabaye ngombwa ko mbikora bitewe n’agahinda mfite ko kumara imyaka irindwi nta mwana ngira.

Dutuye mu karere ka Nyanza, yaba njye n’umugabo wanjye dufite akazi kandi keza, gusa twarivuje hose ariko dusanga umugabo wanjye ari we ufite ikibazo gishobora gutuma atabyara.

Twakomeje gutegereza ariko ni nako imyaka igenda idusiga, aha ndiheraho kuko ndi umugore naho umugabo we nubwo yagira 100 yabyara. Ku rundi ruhande njyewe nta n’ikibazo abaganga bambwira mfite.

Mukuru w’umugabo wanjye yakunze kuntereta cyane, umunsi ku wundi yabaga arimo kuntereta, we afite umugore n’abana babiri.

Hari igihe wamugani ugeraho kwihagararaho ukabishyira hasi, naramwemereye turaryamana, tujyana ahantu muri lodge mbese duhuza urugwiro. Icyaje kuntungura ni uburyo umugabo wanjye yahadusanze atugwa gitumo.

Nahise niheba nzi ko birangiye, bitewe n’uburyo muzi nk’umunyamahane numvaga ko anyica pe, mbese niyumvishaka ko urugo ndusenye burundu, ariko natunguwe n’uburyo byanunejeje.

Yarishimye ngo bibaye byiza ahubwo yaba yanteye inda, ngo na we yari yarashatse kubitubwira twembi ngo ariko akabura aho abihera. Ngo kuba nta mwana tugira bimutera ipfunwe mu bandi, ngo kandi mbyaranye na mukuru we  ngo nta kibazo.

Umwana ngo twamurera nk’uwacu kandi ngo kuba yarerera mukuru we nta kibazo mu gihe abandi ngo baba bazi ko umwana ari uwe. Mbese yishimye none njye naketse ko ari agatego bari banteze.

Kwiyumvisha uburyo yamenye aho twagiye kandi nari namubeshye binyereka ko ari agatego, ubu aranambwira ngo nidushake tuzasubire antere inda, ngo azamfasha buri kimwe cyose kandi ngo abyirate mu bandi ko umugore we atwite.

Ubu ndibaza nkabura igisubizo, ese n’ubundi kuntera inda byanze? Ese ubu nizere ko byamunejeje cyangwa ni ukurenzaho by’abagabo. Mungire inama pe!!

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.