Umuyobozi wa Radiyo  Amazing Grace yatawe muri yombi:INKURU>>

Umuyobozi wa Radiyo Amazing Grace (Ubuntu Butangaje), Pasiteri Gregg Schoof yatawe muri yombi azira kubangamira umutekano rusange.

Polisi y’u Rwanda (RNP)  kuri uyu wa 7 Ukwakira 2019 yavuze ko  Gregg yakoze inama  mu buryo butemewe  n’amategeko mu gitondo cyo kuri uyu wa Mbere hafi na Sitade Amahoro i Remera, mu Mujyi wa Kigali.

Umuvugizi wayo, CP Jean Bosco Kabera yabwiye TNT ko uyu mapisteri yafashwe , agashyikirizwa Urwgo rw’Igihugu rw’Ubugenzacyaha (RIB) kugira ngo akorweho iperereza.

Mbere y’uko afatwa, uyu mupasiteri yari yatumije inama n’abanyamakuru byari bteganyijwe ko iri bubere ku kabari kitwa Frontline saa yine za mu gitondo.

Ngo hari hagamijwe kuvuga ku bya radiyo ye Amazing Grace yafunzwe, uko urubanza rwerekeye iri fungwa rwagenze n’ibindi.

CP Kabera avuga ko Gregg yasabwe gutanga icyangombwa kimwemerera gukoresha inama akakibura, bityo agahita atabwa muri yombi.

Umuvugizi w’Urwego rw’Ubushinjacyaha, Modeste Mbabazi yemeje ko Pasiteri Gregg Schoof ari mu maboko y’uru rwego.

Ati “ Ni byo turamufite kandi iperereza ryamaze gutangira.”

Pasiteri Gregg  Ryan Schof ni umupasiteri ukomoka muri Amerika. Yashinze Radiyo yitwa Amazing Grace gusa yaje gufungwa nyuma yo gutangaza ibihabanye n’umwuga w’itangazamakuru mu butumwa bwafashwe nk’ubwibasira abagore  ndetse nyirayo akanga gutanga amande no gusaba imbabazi.

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.