Gen. Kale Kayihura Agifungurwa yahisemo kujya kwiragirira ihene ze yoroye:AMAFOTO>>

Umusirikare wa Uganda, Gen.Kale Kayihura nyuma yo kuva muri gereza, ubu yibereye mu ifamu ye aho aragira ihene ze.

Gen.Kale Kayihura yakoze imirimo itandukanye ndetse akaba yaragiye mu mahugurwa ya gisirikare mu bihugu bitandukanye nka China, Misiri na Amerika n’ibindi bitandukanye ndetse akaba yarabaye umuyobozi wa polisi igihe kinini ari naho yagiriye ibibazo byatumye ahagarikwa kuri ako kazi ndetse arafungwa.

Umuvugizi wa Leta ya Uganda, Ofwono Opondo, yamusuye Ku wa 1 Ukwakira 2019, ahitwa Kashagama aho afite ahene zisaga 400.

Ofwono akaba yaravuze abinyujije ku mbugankoranyambaga ko yishimiye gusura Gen.Kale Kayihura ndetse ko ameze neza, nta kibazo afite.

Ntabwo biramenyekana neza niba Gen.Kale Kayihura agihembwa nk’umusirikare wa UPDF kuko bimwe mu binyamakuru byo muri Uganda bivuga ko atunzwe n’ihene ze yorora.

Bamwe bagize icyo bavuga ku mafoto ya Gen.Kale Kayihura, aho bavuze ko kubera ko yakoraga akazi akabona amafaranga menshi muri polisi ariko nyuma y’igihe adakora no gufungwa ngo akaba yarabaye nabi, mbese bashatse kuvuga ko asa n’uwakennye.

Gen.Kale Kayihura Leta ya Amerika nayo iherutse kumufatira ibihano, aho yahagaritswe kutazongera kujyayo, ashinjwa guhonyora uburenganzira bwa muntu ariko bikaba bivugwa ko afiteyo imitungo ndetse ko ishobora kuzafatirwa.

Gen Kayihura aha Ihene ze ubwatsi

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.