Ntibisanzwe! Abagabo babiri bahinduranyije abagore muri Kenya>>inkuru irambuye>>

Ntibisanzwe! Abagabo babiri bahinduranyije abagore muri Kenya

Benshi mu batuye mu Mujyi wa Busia muri Kenya batunguwe n’icyemezo cy’abagabo babiri bisanze baguranye abagore babo kubera ibibazo by’amakimbirane bari bafitanye mu ngo.

Abagore babiri barimo Lilian Weta w’imyaka 28 ufite abana batatu na Millicent Auma ufite 29 n’imbyaro ebyiri, batangaje ko bafashe umwanzuro udasanzwe wo gutandukana n’abagabo babo kubera guhozwa ku nkeke.

Mu butumwa bwe, Weta yavuze ko yahatiwe kujya gushaka urukundo ahandi nyuma yuko umugabo we Kevin Barasa ashyingiwe n’undi mugore mu kwezi gushize.

Nyuma y’ubukwe bw’aba bombi, Weta yavuze ko yahisemo kwihorera ku mugabo w’uwamwinjiriye witwa Christopher Abwire ashyingirwa na we mu byumweru bitatu bishize.

Millicent Auma na Christopher Bwire babanaga mu gace ka Siroba muri Matayos; mu gihe Barasa na Lilian Weta bari bamaranye imyaka isaga 10 bari batuye mu gace ka Namwitsula.

Nation yanditse ko Weta yayitangarije ko “Mu kwezi gushize umugabo wanjye yatahanye undi mugore mu ijoro ambwira ko ari mubyara we. Yansabye kumutekera no gutegura aho aryama.’’

Ubwo uyu mugore yabazaga umushyitsi wagendereye urugo rwe wari wambaye ikote ry’umugabo we, yamuteye ubwoba akoresheje icyuma, anamumenyesha ko inzu itakiri iye ahubwo agomba kugenda.

Yongeyeho ko umugabo we yamubwiye ko agomba kujya gushaka umugabo bakabana kuko nta mwanya agifite muri urwo rugo.

Weta yahise ajya mu cyaro cy’iwabo ari naho yahuriye na Abwire washakaga umugore we yari amaze ukwezi adaca iryera ndetse akaza kubwirwa ko yahuye n’undi mugabo bameranye neza.

Muri icyo gihe nibwo Weta yasuye Abwire amutakira ko nawe urugo rwe rwasenyutse ndetse n’umugabo we ari kumwe n’undi mugore.

Weta na Christopher Bwire bahise bemeranya kugumana nyuma yo gusanga bahuje inkuru z’akababaro.

Barasa yavuze ko yanyuzwe n’umugore mushya baheruka kwiyunga. Ati “Sinzatekereza kumukurikira kuko yari ambereye umutwaro ndetse sinigeze mukunda.’’

Abwire we yavuze ko “Kuva uyu mugabo yaza hano. Mfite amahoro. Sinkimara amajoro ndasinzira nkuko byahoze. Buri kimwe cyose nshatse arakimpa.’’

Abaturage bo ku gace byabereyemo bavuze ko ari ubwa mbere bari babonye ibyo kugurana abagore biba.

Hector Osuru yavuze ko “Sinigeze mbona ibintu nk’ibi mu buzima bwanjye. Mu gihe aribantu bakuru twubashye ibyemezo byabo. Ni ubuzima bwabo.’’

Leave a Reply

Your email address will not be published.