Tanasha witegura kubyarana na Diamond yerekanye inda atwite:INKURU>>

Umunyamakuru akaba n’umuhanzi, Umunyakenyakazi ukundana n’umuhanzi Diamond Platnumz, Tanasha Donna, witegura kwibaruka imfura ye n’uyu muhanzi yifotoje ifoto itavuzweho rumwe aho yagaragazaga inda atwite yambaye ubusa.

Mu kwezi gushize uyu mukobwa aherutse gutangaza ko byabanje kumugora kwakira ko atitwe kuko byabaye bisa n’bimutunguye, gusa ngo na none ntiyagombaga gukomeza kubihisha ari nayo mpamvu we na Diamond bahisemo kubitangaza.

Mu gihe abura ukwezi kumwe gusa ngo yibaruke imfura ye na Diamond, Tanasha yatunguye abantu ashyira ifoto igaragaza imiterere y’inda ye yambaye ubusa, ni ifoto yashyize ku rukuta rwe rwa Instagram.

Iyi foto kuyishyira kuri Instagram bisa nk’aho ari ibintu we Diamond bari bateguye, kuko yaherekejwe n’amagambo ashimira Diamond ku bantu yamwoherereje kumusura iwe mu rugo ndetse ko ari nabo batumye iyo ifoto ifotorwa.

Iyi foto ikaba itavuzweho rumwe na bose aho bamwe bavuga ko bitari bikwiye, ni mu gihe abandi bamushimiye ndetse bakamwifuriza kubyara neza.

Uyu mwana ugiye kuvuka azaba ari uwa mbere Tanasha abyaye, mu gihe azaba ari uwa kane ku ruhande rwa Diamond, nyuma y’abana babiri yabyaranye na Zari Hassan ndetse n’undi umwe yabyaranye n’umunyamideli Hamisa Mobetto.

Ifoto Tanasha yifotoje igaragaza inda atwite

Diamond Platnumze na Tanasha mu kwezi kumwe baraba babyaye umwana w’umuhungu

POSTED BY UWINEZA KURI RWANDAPAPARAZZI.RW/ KGLI

Leave a Reply

Your email address will not be published.