Muhanga: Umugabo yishe umugore we amutemye na we yiyahuza ibinini by’imbeba nawe ahita Apfa:INKURU>>

Umugabo witwa Myandagara Charles wari utuye mu Murenge wa Kiyumba Akagari ka Rukeri mu Karere ka Muhanga, yishe umugore we witwaga Yankurije Marie Rose amutemye n’umuhoro na we aza kwiyahura akoresheje ibinini by’imbeba.

Umuyobozi w’Akarere ka Muhanga Uwamariya Beatrice, yabwiye Itangazamakuru ko hari itsinda ryagiye kureba imvo n’imvano y’iki kibazo no gukoresha isuzuma ry’abitabye Imana.

Yavuze ko amakuru y’ibanze babonye ari uko uyu muryango wari ufitanye amakimbirane, kuko uyu mugore yari amaze igihe yarahukanye.

Ati “Ikintu batubwiye ni amakimbirane yo mu muryango, ubusanzwe uyu mugore ngo yari yarahukanye ariko mu minsi ishize umugabo yari yaragiye kumucyura aragaruka ndetse baraniyunga, ubu nibwo yamwishe.”

Yavuze ko iki ari igikorwa bigaragara ko uyu mugabo yakoze akigambiriye, kuko nyuma yo kumwica na we yafashe ibinini by’imbeba akabimira ari nabwo byamuhitanye.

Meya Uwamariya yavuze ko uyu mugabo akomoka mu Karere ka Gakenke aho yari , naho umugore wapfuye akaba yari umugore we mukuru kuko afite undi wa kabiri.

POSTED BY EMMY KURI RWANDAPAPARAZZI.RW/ KGLI

Leave a Reply

Your email address will not be published.