Jay Z yaba akomoka mu Rwanda? byakomojweho mu ndirimbo nshya ahuriyemo n’umugore we Beyonce na Childish Gambino:INKURU>>>>

 0 total views

Umuraperi w’umunyamerika Jay Z ni umwe mu bantu bakomeye kandi biyubatse bikomeye, bihurirana no gushaka umugore ukunzwe cyane kandi w’ikirangirire mu muziki, Beyonce. Hashize amasaha macye hasohotse indirimbo bahuriyemo yitwa ‘MOOD 4 EVA’ aho Beyonce yaririmbye ko umugabo we ashobora kuba akomoka mu Rwanda.

Umunyamuziki w’umunyamafaranga Jay Z, ni umugabo w’imyaka hafi 50, yibitseho amafaranga arenga miliyari y’amadolari ndetse afite umuryango wubashywe cyane we na madamu we Beyonce. Abitse Grammy Awards 22 ndetse akaba umwe mu bahanzi bagurishije ibihangano byabo cyane. Yavukiye Brooklyn mu mujyi wa New York, yarezwe na nyina gusa kuko se umubyara yataye umuryango.

Iby’inkomoko ye nta wabimenya neza gusa haciwe amarenga ko ashobora kuba afite amaraso y’abanyarwanda. Muri iyi ndirimbo bise ‘MOOD 4 EVA’ iri kuri alubumu ya Beyonce yiswe ‘The Lion King: The Gift’; mu gitero cya 3, Beyonce aririmba ati “My baby father, bloodline Rwanda, Why would you try me? Why would you bother?, I am Beyoncé Giselle Knowles-Carter, I am the Nala, sister of Yoruba”. Tugenekereje mu Kinyarwanda yaririmbye ati “Se w’abana banjye, amaraso ye (cg inkomoko ye) ni u Rwanda, Kuki wangerageza? Kuki wabikora? Ndi Giselle Knowles-Carter, ndi Nala, umukobwa w’umu Yoruba”

Jay Z ashobora kuba akomoka mu Rwanda

Iyi alubumu niyo iriho indirimbo ‘MOOD 4 EVA’

Ibi bishobora kuba byerekana ko Jay Z yakomotse mu Rwanda naho Beyonce akaba akomoka mu burenegrazuba bwa Afurika ahaba ubwoko bw’aba Yoruba, dore ko baba mu bihugu nka Nigeria, Togo na Benin. Abanyafurika b’abanyamerika bakomotse ku bajyanwe mu bucakara muri Amerika batangiye kujya bakoresha ibizamini by’amaraso bibagaragariza ibihugu bya Afurika cyangwa ibice bya Afurika bakomokamo.

Jay Z ashobora kuba ari umunyarwanda

Posted by Uwineza Vanessa kuri Rwandapaparazzi.rw/ Kgli

 100 total views,  2 views today

Leave a Reply

Your email address will not be published.