Templates by BIGtheme NET
Posted on 28/8/2016
Posted on 28/08/2016

Min. Dr. Sezibera yasubije umudepite muri Amerika uri kuvuganira Diane Rwigara

Minisitiri w’ububanyi n’amahanga w’u Rwanda, Dr Richard Sezibera yasubije umudepite mu nteko ishinga Amategeko ya Leta Zunze Ubumwe za Amerika uvuga ko arimo kuvuganira Diane Rwigara mu rwego rw’umushinga wo kurengera ubwisanzure.

Abinyujije ku rukuta rwa twitter Hon. Suzanne Bonamicci wongeye gutorerwa guhagararira akarere ka Oregon mu Nteko Ishinga Amategeko, yagize ati: “Diane ahanganye na gereza kubera kuvuga no kutemeranya na guverinoma. Ndi gukorera ubuvugizi Diane mu rwego rw’Umushinga wo kurengera ubwisanzure.”

Nyuma yo kubona ubu butumwa, minisitiri w’ububanyi n’amahanga w’u Rwanda nawe akoresheje twitter yahise asubiza Hon. Bonamicci agira ati: “Oya madamu Diane ntabwo ahanganye na gereza kubera kuvuga ahubwo ni ukubera ibikorwa byafashwe nk’ibyaha mu mategeko yacu. Bishobora kugaragara nk’ibidasanzwe kuri mwe ariko mu Rwanda ntabwo dutora abakekwaho ibyaha. Baraburanishwa mu nkiko zacu.”

Twababwira ko Hon. Suzanne Bonamicci ukomoka mu ishyaka ry’Abademokarate, ari umwe ari umwe mu badepite batanu baraye batowe bazahagararira akarere ka Oregon mu Nteko Ishinga Amategeko barimo na Earl Blumenauer, Peter DeFazio, Kurt Schrader na Jamie McLeod-Skinner bose b’Abademokarate.

Kuri uyu wa Gatatu, itariki 07 Ugushyingo Diane Rwigana na nyina, Mukangemanyi bakaba bongeye kwitaba Urukiko Rukuru kugira ngo bakomeze kuburana ku byaha bashinjwa, birimo gukoresha inyandiko mpimbano no kugambirira guteza imvururu cyangwa imidugararo muri rubanda n’icy’ivangura no kubiba amacakubiri.

39,100 total views, 200 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful