Templates by BIGtheme NET
Posted on 28/8/2016
Posted on 28/08/2016

Banki y’Isi yagaragaje igihombo giterwa no gushyingira abakobwa batarageza imyaka y’ubukure [INKURU HANO]

Raporo ya Banki y’Isi yagaragaje ko buri mwaka ibihugu bya Afurika bikigaragaramo gushyingira abakobwa batarageza ku myaka y’ubukure, bihomba miliyari nyinshi z’amadolari buri mwaka, zari zikwiye kwinjira mu bukungu bwabyo.

Iyi raporo yashyizwe hanze mu gihe muri iki Cyumweru hateganyijwe Inama ya kabiri ya Komisiyo y’Umuryango wa Afurika Yunze Ubumwe, AU, yiga ku bibazo by’abakobwa no gushyira iherezo ku gushyingirwa bakiri bato, izabera muri Ghana.

Igaragaza ko buri mwaka abakobwa bangana na miliyoni eshatu bo muri Afurika yo munsi y’ubutayu bwa Sahara, ni ukuvuga kimwe cya gatatu cy’abakobwa bose, bashyingirwa mbere yo kuzuza imyaka 18.

Iki gice ni nacyo kiza imbere ku Isi mu kugira umubare munini w’abana bashyingiwe bataregeza imyaka y’ubukure. Ibyo bituma hagaragara abakobwa benshi bavuye mu ishuri, kandi kubyara bakiri bato bigira ingaruka ku buzima bwabo ubw’abo bibarutse.

Iyi raporo ya Banki y’Isi yagaragaje ko nubwo ibihugu byinshi byageze ku ihame ry’uburinganire mu mashuri abanza, iyo bigeze mu mashuri yisumbuye usanga abahungu ari benshi kurusha abakobwa.

Muri Afurika yo munsi y’ubutayu bwa Sahara, abakobwa barindwi mu 10 barangiza amashuri abanza, nyamara bagera mu yisumbuye bane gusa akaba aribo basoza icyiciro cya mbere.

Nyamara impuzandengo yerekana ko nibura umugore wize amashuri yisumbuye abasha gukora ndetse akinjiza umutungo ukubye kabiri uw’umugore utarize.

Igenzura ryakorewe ku bihugu 12 byihaniye kimwe cya kabiri cy’abaturage ba Afurika, ryerekanye ko kubera ingaruka gushyingirwa bigira ku burezi bw’umwana w’umukobwa, ibyo bihugu bihomba miliyari 63 z’amadolari ya Amerika buri mwaka.

Haba harebwe ku mitungo ibagendaho cyangwa ibyo bakabaye binjiza, biba bitakibonetse.

Ibyo bihugu 12 ni Burkina Faso, Repubulika Iharanira Demokarasi ya Congo, Misiri, Ethiopia, Malawi, Mali, Mozambique, Niger, Nigeria, Congo, Uganda, na Zambia

Impuguke mu by’ubukungu muri Banki y’Isi, Quentin Wodon, wayoboye ikorwa ry’iyi raporo, yagize ati “Amashuri abanza ku bakobwa ntabwo ahagije. Abakobwa babasha gukura inyungu mu burezi iyo byibura babashije kwiga amashuri yisumbuye, ariko turabizi neza ko abana b’abakobwa bataguma mu ishuri mu gihe bashyingiwe bakiri bato.”

Gushyingira abakobwa bakiri bato kandi ngo bigira uruhare mu kubyara abana benshi maze umubare w’abaturage ukiyongera.

Guhagarika gushyingira abana ngo byagabanya umubare w’abaturage, bikazamura imibereho yabo by’umwihariko ku bakennye cyane.

Iyi raporo yemeza ko guharanira ko abakobwa biga ari imwe mu nzira zishobora gutuma badashyingirwa imburagihe, kuko umwaka umwe mu mashuri yisumbuye ugabanya ibyago byo gushyingirwa utarageza imyaka 18, ku kigero kiri hejuru ya 5% cyangwa kuzamura.

Gushyingirwa ari abana kandi ngo byongera ibyago byo guhohoterwa n’abo bashakanye, ntibanagire ijambo mu ifatwa ry’ibyemezo bireba urugo.

Ibyo byiyongeraho ko bigira ingaruka ku buzima bw’umwana n’umubyeyi, ari nabyo bitera urupfu rwa hato na hato cyangwa kugwingira ku bana bari munsi y’imyaka itanu.

Gushyingira abana bituma babyara bakiri bato, bagata ishuri ndetse n’umusaruro baha igihugu ukaba muke

Posted by: Chaba Ally Promo @RwandaPaparazzi.rw

59,850 total views, 100 views today

About Chaba Ally Promo

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful