Templates by BIGtheme NET
Posted on 28/8/2016
Posted on 28/08/2016

Umugore wamamaye nka fiancée wa Superman muri filime yitabye Imana

Margot Kidder wamamaye nka Lois Lane muri filime ya ‘Superman’ yasohotse mu 1978 yitabye Imana mu mpera z’icyumweru gishize aguye mu rugo rwe mu Mujyi wa Livingston muri Leta ya Montana.

Uyu mukinnyi wa filime witabye Imana afite imyaka 69 y’amavuko,yavukiye muri Canada ariko amenyekana cyane nk’umukunzi wa Christopher Reeve wakinnye ari Clark Kent muri ‘Superman’ n’ibice byayo byakurikiyeho nk’icya kabiri cyasohotse mu 1980, icya gatatu cyasohotse mu 1983 n’icya kane cyo mu 1987.

Umujyanama wa Kidder yabwiye CNN ko uyu mugore yitabye Imana mu mahoro asinziriye mu rugo rwe ku Cyumweru, tariki 13 Gicurasi 2018. Impamvu y’urupfu rwe ntiramenyekana.

Kidder yabonye ubwenegihugu bwa Amerika mu 2005 atangira kuba impirimbanyi ya politiki abifatanya n’umwuga we. Ni umwe mu bigaragambirije kuri White House mu 2011 agatabwa muri yombi arwanya ikoreshwa ry’impombo zizwi nka Keystone XL zikura peteroli muri Canada ziyijyana muri Amerika.

Urupfu rwa Margot Kidder ruje nyuma y’urwa Christopher Reeve bakinanye ari ‘Superman’ witabye Imana mu 2004 nyuma y’imyaka icyenda yaramugajwe n’impanuka ikomeye yagize atwaye ifarashi.

Mu kiganiro Kidder yaherukaga kugirana n’urubuga rwitwa Hey U Guys rwo muri Leta Zunze Ubumwe za Amerika mu 2016, yavuze ko we na Reeve [Superman] bari bafitanye ubumwe bwihariye bushingiye ku mizi yabo ndetse akamubona nk’usa n’umwe mu bavandimwe be.

Icyo gihe yagize ati “Imbaraga twari dufitanye zari izo kwiyumva nka musaza na mushiki ku buryo rimwe na rimwe byakimbiranaga n’izo kuba mu buryohe bw’urukundo. Nta wabonaga itandukaniro hagati ya twembi gusa byarakunze. Ntabwo twari dufite guhimba ukundi kuri ku ruhande.”

Yanavuze ko yacyekaga ko ‘Superman’ wari umushinga uciriritse ndetse wari guhomba, ati “Nta kintu na kimwe giteguza umuntu ko azaba icyamamare ku Isi yose, nanjye byarantunguye cyane. Ntabwo byari ibintu nari nkunze cyane cyangwa mbizi bihambaye. Ntabwo nari nzi uko iriya filime yari imeze kugeza nyibonye yerekanwa bwa mbere i Washington.”

Nyuma yo kwamamara muri ‘Superman,’ Kidder yanakinnye mu yitwa ‘The Amityville Horror’ yabiciye mu 1979 anakomeza kugaragara mu biganiro kuri televiziyo.

Margot Kidder na Christopher Reeve bakinanye muri ‘Superman’ ubwo bari bitabiriye ibirori by’itangwa ry’ibihembo bya Oscars ku nshuro ya 51 mu 1979

Kidder wavukiye mu majyaruguru y’uburengerazuba bwa Canada yinjiye mu mwuga wo gukina filime ahereye ku y’uruhererekane yitwa ‘Wojeck’ mu 1969 n’iyitwa ‘The Best Damn Fiddler from Calabogie to Kaladar’ yamenyekanye muri Canada mu 1968.

Impano ye yatewe imboni n’ab’i Hollywood nyuma gato y’icyo gihe ahita yerekezayo atangira gukina mu zindi filime z’uruhererekane zirimo iyitwa ‘McQueen’, ‘Mod Squad’ na ‘Nichols’ gusa gukina nka Lois Lose muri ‘Superman’ nibyo byamugize icyamamare birushijeho.

Yanyuze mu bihe bitandukanye bikomeye birimo gushaka abagabo batatu bananiranwa ndetse no kwishyuzwa amafaranga menshi y’imiti yafataga bituma mu 1996 yisanga atagira aho kuba. Icyo gihe byakoze abafana be benshi ku mutima bakamufasha akongera kugira imibereho myiza.

Urupfu rwe rwavuzweho byinshi ku mbuga nkoranyambaga kuri uyu wa Mbere mu magambo y’akababaro n’intimba mu bakunze imikinire ye muri filime zitandukanye.

Christopher Reeve wakinnye ari ‘Superman’ yitabye Imana mu 2004 afite ubumuga bw’amaguru yombi n’amaboko yombi

Filime za ‘Superman’ zaciye ibintu mu myaka yo hambere

Uyu mugore yakinnye agirana urukundo na Superman muri filime yamamaye

Emery@Rwandapaparazzi.rw

28,900 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful