Templates by BIGtheme NET
Posted on 28/8/2016
Posted on 28/08/2016

Rayon Sports yanganyije na Young Africans biyishyira mu ihurizo rikomeye [REBA UKO UMUKINO WAGENZE]

Rayon Sports ihagarariye u Rwanda mu mikino ya CAF Confederation Cup yanganyije na Young Africans ubusa ku busa mu mukino wa kabiri wo mu itsinda D biyishyira mu ihurizo rikomeye ryo kuzashaka amanota atatu imbere ya USM Alger yo mu Barabu kugira ngo yiyongerere icyizere cyo kugera muri ¼.

 

Mu mukino wabereye kuri Uwanja wa Taifa muri Tanzania yakira abafana ibihumbi 60 ariko kuri iyi nshuro yarimo bake cyane, Rayon Sports yihariye umupira ku kigero cya 52% mu gice cya mbere, ibona uburyo bwo gutsinda butatu bwose bwapfuye ubusa.

Mu gice cya kabiri umutoza Ivan Minnaert yakoze impinduka akuramo Djabel Manishimwe yinjiza Kevin Muhire ku munota wa 58, ku wa 73 akuramo Ismaila Diara utahiriwe n’umukino yinjiza Christ Mbondi; Umutoza wa Young Africans, Zahera Mwinyi, wabonaga ko bitamworoheye akora impinduka Amissi Tambwe asimbura Obrey Chola Chirwa mbere y’uko Emmanuel Martin asimbura Geofrey Mwashiuya.

Ntibyabujije Rayon Sports kuguma hejuru no kurema uburyo bwinshi harimo n’igitego Muhire Kevin yatsinze ariko umusifuzi avuga ko yari yaraririye.

Iminota 90 yarangiye Rayon Sports ikiri imbere mu kwiharira umupira ku kigero cya 51%, yaremye uburyo 14 bwo gutsinda harimo butandatu bwari bwabazwe mu gihe Young Africans yageze imbere y’izamu rya Ndayishimiye Eric Bakame inshuro umunani harimo enye zikomeye.

USM Alger yo muri Algeria nayo yanganyije na Gor Mahia yo muri Kenya ubusa ku busa mu mukino wabereye i Nairobi, ikomeza kuyobora itsinda D n’amanota ane, Gor Mahia na Rayon Sports zigira abiri mu gihe Young Africans ari iya nyuma n’inota rimwe.

Mu mikino itaha izaba nyuma y’Igikombe cy’Isi cya 2018 kizabera mu Burusiya, Gor Mahia izakira Young Africans. Hagize ikipe ibona amanota atatu muri uwo mukino, Rayon Sports ntitsinde USM Alger izaba yakiriye i Kigali, izaba itangiye gusigara inyuma mu gihe amakipe abiri azasoza amatsinda ari imbere ariyo azerekeza muri 1/4.

Abakinnyi babanje mu kibuga ku mpande zombi:

Rayon Sports: Ndayishimiye Eric, Ange Mutsinzi Jimmy, Rutanga Eric, Mugabo Gabriel, Manzi Thierry, Nyandwi Saddam, Mugisha François, Kwizera Pierrot, Manishimwe Djabel, Ismaila Diarra na Shabani Hussein Tshabalala.

Abasimbura: Ndayisenga Kassim, Irambona Eric, Yannick Mukunzi, Bimenyimana Caleb, Chist Mbondi, Muhire Kevin na Mugume Yassin.

Young Africans: Rostand Youthe Jehu, Hassan Khamis Ramadhan, Gadiel Michael Kamagi, Vicent Andrew Chikupe, Kelvin Yondani, Thaban Kamusoko, Yusufu Valentine Mhilu, Pius Buswita, Obrey Chirwa, Juma Mahadhi na Geofrey Mwashiuya.

Abasimbura: Ramadhani Kabwili, Abdalah Shaibu Ninja, Pato Ngonyani, Raphael Daudi, Emmanuel Martin, Yohana Mkomola na Amiss Tambwe.

Manzi Thierry ni umwe mu bakinnyi bitwaye neza

Hassan Khamis Ramadhan wa Young Africans ashaka gutambuka ku bwugarizi bwa Rayon Sports

Mutsinzi Ange abuza rutahizamu Yusufu Valentine Mhilu gusatira izamu rye

Saddam Nyandwi wa Rayon Sports azibira umukinnyi wa Young Africans yakiniraga imbere y’abafana be

Rwarutabura yari kuri Uwanja wa Taifa gushyigikira ikipe ye

22,650 total views, 600 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful