Templates by BIGtheme NET
Posted on 28/8/2016
Posted on 28/08/2016

Korea ya Ruguru ishobora gukuraho ibiganiro Perezida Kim yagombaga kugirana na Trump

Korea ya Ruguru yatangaje ko ishobora gukuraho ibiganiro Perezida wayo, Kim Jong Un, yagombaga kugirana n’uwa Leta Zunze Ubumwe za Amerika (USA), Donald Trump, muri Kamena uyu mwaka, mu gihe iki gihugu cyakomeza kuyihatira guhagarika umugambi wayo w’intwaro za kirimbuzi.

Itangazo ryashyizwe hanze n’Ibiro Ntaramakuru bya Koreya ya Ruguru, rivuga ko iki gihugu kitazemera ko ubufasha mu by’ubukungu cyahabwa na USA, bwaguranwa umugambi wacyo wo gukora intwaro za kirimbuzi.

Minisitiri wa Mbere wungirije muri Minisiteri y’Ububanyi n’Amahanga ya Korea ya Ruguru, Kim Kye Gwan, yatangaje ko ngo USA, yavuze ko izaha iki gihugu impozamarira mu bijyanye n’ubukungu ndetse n’izindu nyungu, mu gihe cyakemera kureka umugambi wacyo w’intwaro za kirimbuzi.

Yagize ati “Ntitwigeze twiringira kubona ubufasha bwa Leta zunze Ubumwe za Amerika mu kubaka ubukungu bwacu, nta n’ibizabaho.”

CNN yanditse ko Gwan yakomeje avuga ko niba ubuyobozi bwa Trump, bugamije ko gutsura umubano na Korea ya Ruguru, bizavamo umusaruro ariko niba buri kuyihatira guhagarika umugambi w’intwaro za kirimbuzi bitazakunda.

Yagize ati “Niba bashaka kugerageza kuduhatira guhagarika umugambi wacu w’intwaro za kirimbuzi, ntabwo tuzaba tugishishikajwe na biriya biganiro kandi bagomba kongera kubitekerezaho.”

Ibi biganiro by’amateka birasa na ya yandi arimo gishigisha atavura kuko na Trump mu kwezi gushize yatangaje ko nabona bidatanga umusaruro azabivamo akagenda.

Yagize ati “Iyo tuza kuba dutekereza ko ibiganiro bitazatanga umusaruro ntitwari kubyemera. Nimba ndi mu nama nkabona idatanga umusaruro nzayivamo ngende. Icyakora twizere ko izagenda neza kuko nibyo twiteze.”

Icyo gihe kandi yavuze ko igitutu gihagije kigomba gukomeza gushyirwa kuri Korea ya Ruguru kugira ngo ihagarike ikorwa ry’intwaro za kirimbuzi. Ku rundi ruhande ariko Korea ya Ruguru ntikozwa ibyo kuganira kuri iyi ngingo, ari yo mpamvu abasesenguzi basanga ibi biganiro bishobora kutaba.

Biteganyijwe ko Trump na Kim bazahurira muri Singapore, tariki ya 12 Kamena 2018.

Emery@Rwandapaparazzi.rw

9,300 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful