Templates by BIGtheme NET
Posted on 28/8/2016
Posted on 28/08/2016

Imibereho ya Mukunzi Yannick ukundwa n’inkumi nyinshi i Kigali “REBA HANO”

Abakunzi n’abakurikira ruhago bamumenye muri APR FC, Ikipe y’Igihugu Amavubi na Rayon Sports amazemo igihe gito ariko akaba akomeje kwigarurira imitima y’abafana biganjemo ab’igitsina gore, bagondeka ijosi basazwe n’ibyishimo byo kumugwa mu byano. Nta wundi ni Yannick Mukunzi wavukiye i Burundi.

Yannick Mukunzi ni umusore w’imyaka 23 ukinira Rayon Sports wavukiye mu Bwiza i Bujumbura mu Burundi.

Uyu mukinnyi umaze kwigarurira imitima y’abakobwa benshi n’abakunzi ba ruhago Nyarwanda batari bake, yatangiye gukina umupira akiri umwana muto mu mihanda y’i Bujumbura. Yageze mu Rwanda mu 2009, atangira gukina muri Academy ya APR FC ku buryo nyuma y’imyaka itatu ari bwo yaje gushyirwa mu ikipe nkuru.

Mu kiganiro Yannick Mukunzi uvuka mu bana batanu  yemeje ko impano yo gukina umupira w’amaguru nta muntu ayikomoraho wo mu muryango we kuko nta wakinnye ruhago.

Imyaka ine yakiniye APR FC yamuzamuriye izina mu rwa Gasabo, igikundiro cye mu kibuga no mu mitima ya benshi nacyo kiratumbagira mu bafana b’ingeri zose.

Yagize ati “Ikipe ya APR nayigiriyemo ibihe byiza ku buryo ntashobora kuyibagirwa kuko niyo yatumye menyekana kuko ntangira no gukinira Ikipe y’Igihugu y’abatarengeje imyaka 17 niyo nari ndimo.”

Uyu mukinnyi wihebeye Rayon Sports akunda by’ikirenga ku buryo yifuza kuyikinamo by’igihe kirekire, yamufashije gutwara igihembo cy’umukinnyi w’umwaka wa 2017-2018 mu bakunzwe n’abafana benshi.

Mukunzi Yannick ukundwa cyane n’abakobwa, yemeza ko hari benshi bamwoherereza ubutumwa bamubwira ko abanyura nubwo afite umukunzi we bari mu munyenga w’urukundo.

Yagize ati “Nibyo ndabizi ko abakobwa bankunda kuko hari abajya babinyandikira ariko sinjya mbitaho kubera ko mfite uwo dukundana kandi mpoza ku mutima.”

Yavuze ko umubare munini w’abamubwira ko bamukunda akeka ko babiterwa no kuba ari umukinnyi mwiza mu kibuga.

Abakobwa barimo abakurikiranira hafi ruhago bakunze kugaragara haba ku bibuga no mu bindi bice baganjwe n’amarangamutima yo kubona Mukunzi ndetse hakaba n’aho yitabazwa ngo abafashe kugarura agatima impembero.

Ibyo amaze kwigezaho abikesha ruhago

Mu myaka igera kuri itanu, Yannick Mukunzi amaze mu mupira w’amaguru mu Cyiciro cya Mbere, yasaruyemo amafaranga arimo ayo ari kwifashisha mu kuzamura inzu ye ku Kimironko mu Mujyi wa Kigali, ifite agaciro k’arenga miliyoni 15 z’amafaranga y’u Rwanda.

Yagize ati “Mu gihe maze nkina maze kwigeza kuri byinshi kuko kuva natangira gukina maze gutunga imodoka enye zirimo iyo mu bwoko bwa benz n’izindi. Ndi no kubaka inzu yanjye Kimironko. Umupira kandi wamfashije kujya mu bihugu bitandukanye kubera gukina.”

Ibyo Mukunzi Yannick akunda n’ibyo yanga

Usibye gukina umupira w’amaguru, Mukunzi ni umukirisitu wahisemo gukurikira inzira y’agakiza ndetse rimwe na rimwe ateranira mu Itorero rya Zeal of the Gospel Church ry’Umuhanuzi Sultan Eric, riherereye i Nyamirambo ahazwi nka Cosmos.

Mukunzi yavuze ko akunda gusenga ndetse no kwifatanya n’abantu baha agaciro abavandimwe.

Mu bijyanye n’amafunguro, uyu mukinnyi akunda cyane umuceri, ifiriti n’inyama, ifunguro anyurwa no guherekesha ibinyobwa birimo amata n’umutobe (Jus).

Mu bijyanye n’abakinnyi afata nk’icyitegererezo kuri we,Yannick Mukunzi akunda byimazeyo Umufaransa Paul Pobga ukinira Manchester United yo mu Bwongereza, mu gihe FC Barcelona yo muri Espagne ariyo kipe ahoza ku mutima.

Mu cyiciro cy’imyidagaduro, uyu mukinnyi aryoherwa no kumva umuziki wa Justin Bieber n’Umuhanzi w’Umunyarwanda Ngabo Medard Jobert [Meddy] ukorera umuziki muri Amerika.

Mukunzi Yannick afite inzozi zo kuba umukinnyi ukomeye wabigize umwuga, akabera abakiri bato icyitegererezo ndetse agakomeza gutanga umusanzu ufatika mu Amavubi.

Mukunzi ari mu bakinnyi ngenderwaho mu kibuga hagati ha Rayon Sports

Mukunzi Yannick na mugenzi we Rutanga Eric bahoze bakinana muri APR FC mbere yo kubengukwa na Rayon Sports

Mukunzi Yannick yahawe igihembo cy’umukinnyi mwiza wa 2017-2018 mu bakunzwe n’abafana benshi

Mukunzi Yannick ari mu bakinnyi b’Abanyarwanda bakundwa n’abiganjemo abakobwa

Mukunzi mu byo yasaruye mu mupira w’amaguru harimo n’imodoka

Mukunzi Yannick yamenyekanye cyane akinira APR FC

148,850 total views, 100 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful