Templates by BIGtheme NET
Posted on 28/8/2016
Posted on 28/08/2016

Imyaka 50 irihiritse Martin Luther King yishwe ku mpamvu zabaye nk’akamizwe n’ingoma

Ugukomera kwa Amerika, abahanga bemeza ko kutagarukira ku rwego rw’ubukungu, ubutasi n’igisirikare gusa, ahubwo ko inazwiho kugira amabanga ahishwe bihambaye.

Bitewe n’ubuhangange bwa Leta Zunze Ubumwe za Amerika, hari abibaza uko uwarindaga Perezida Abraham Lincoln yikojeje hirya ngo agiye kunywa amazi agasanga baramwirengeje mu ijoro ryo ku wa 14 Mata 1865, urupfu rwabaye amayobera.

Aha wanakwibaza ukuntu Robert Kennedy yateshejwe kunyura ahabugenewe muri Hotel Ambassador mu Mujyi wa Los Angeles, ubwo yashakaga gusohoka, agahitamo guca ahari ibikoni ubusanzwe hatari inzira ikoreshwa na buri wese ari na ho uwamurashe yari aherereye.

Izi nkuru zijya gusa neza n’iyo ku wa 4 Mata 1968, ubwo Pasiteri Martin Luther King Jr yari ahagaze ahirengeye ku ibaraza rya Hotel Lorraine muri Memphis, mu Ntara ya Tennessee muri Amerika, mudahusha wariye karungu akamurasaho na n’ubu Abanyamerika bibaza iby’urupfu rwe.

Bamwe bitwaza ko ngo basanze mu cyumba cye ibintu bijagaraye, ibikapu biteye hejuru, nta kintu na kimwe kiri mu mwanya wacyo nyuma gato y’uko yicwa, ariko ntabwo icyo ari igisubizo ku iraswa rye.

Ibi byose bituma buri wese yibaza rugero ki amabanga ahishwe muri Amerika akeneye gushyirwa ahagaragara, bikemezwa niba koko umugabo nka Luther King yari ikibazo ku gihugu, ndetse hakaba hamenyekana n’ibyari kwangirika cyangwa kuhakirira iyo aza gukomeza kubaho.

Luther King ngo yapfanye hafi agace k’igitabo cye kitwa ‘‘Strength to Love’’, bisobanuye ngo ‘Imbaraga zo Gukunda’ ugenekereje, ijambo ryakomeje gucumita imitima y’abakurikiranaga inyigisho ze, zaharaniraga kwamagana akarengane kakorerwaga abakene bari biganjemo abirabura n’abandi baturage ba Amerika yo mu gice cy’Amajyepfo.

Bamwe bagereranyije Luther King na Nelson Mandela

Martin Luther King na Nelson Mandela bafatwa nk’intwari kubera uruhare bagize mu kurwanya politiki y’ivanguraruhu.

Aba bombi ntibigeze bahura ariko barwaniye ishyaka ikintu kimwe ku migabane itandukanye. Mandela yavuze ko yiteguye gupfa ariko akabona sosiyete aho abazungu n’abirabura bareshya mu gihe Luther King yavuye mu mubiri mu 1968, agihanganye no kugera kuri izo nzozi.

Pasiteri DeYoung yagize ati “Nk’uko Mandela yahangaye kureba mu maso abazungu bagakangarana na King ntiyigeze ahindira umushyitsi imbere yabo na rimwe.”

Gusa hari inyandiko y’ibanga ya FBI yashyizwe hanze yaneguraga uburyo Luther King avugwaho imyitwarire idahwitse ku bijyanye n’uko yaryamanaga n’abagore benshi kandi ari umupasiteri.

Igira iti “Iyo King abona ko uburenganzira bw’abagore ari ingenzi mu Banyamerika, yagombaga kwiheraho ahindura imyitwarire akareka ibikorwa bye byo guca inyuma uwo bashakanye.”

Mbere yo kwicwa, Luther King yifuje gucurangirwa indirimbo yakundaga

Mu gihe yari ahagaze imbere y’idirishya ry’icyumba cye muri Hotel, yatumijeho umwe mu bacuranzi ba Saxon wari hafi aho, amusaba ko kuri uwo mugoroba yaza kumucurangira indirimbo ihimbaza Imana yitwa “Take My Hand, Precious Lord”, ati “Mana mfata ikiganza, wowe Usumba byose.”

Muri icyo gihe, hirya gato hirengeye aho yari ahagaze, umugabo James Earl Ray wari witwaje intwaro yamusutseho urufaya rw’amasasu, saa kumi n’ebyiri z’umugoroba, aramuhitana.

Ikibazo cy’urupfu rwa Martin King buri wese agerageza kucyihunza kandi yarishwe mu buryo bwagaragariye amaso ya benshi.

Abasesenguzi bemeza ko ikibazo cy’abazungu n’abirabura cyongeye kuzamura umutwe mu gihe Barack Obama yiyamamarizaga kuyobora Amerika nka Perezida wa mbere w’umwirabura.

Nubwo kuri iyi nshuro Abanyamerika bari barahinduye intekerezo, byanatumye Obama atsinda amatora yari ahanganyemo na Senateri John McCain.

Si Obama gusa wagendeye ku itike ya Luther King gusa ngo ategeke Amerika, ahubwo hari n’abandi barimo na Richard Nixon wayoboye Amerika, wajyaga asezeranya ko natorwa abana b’abirabura bazemererwa kwiga mu mashuri y’abazungu kandi koko niko byagenze nk’aho kuva mu 1970 mu duce twa Boston abirabura n’abazungu bemerewe kugendera muri bisi zimwe, ikintu ubusanzwe cyafatwaga nk’ikizira.

Martin Luther King amaze imyaka 50 yishwe mu rupfu rw’amayobera

Gusa ngo ibi byasaga no kwishakira amajwi gusa kuko n’ubundi urwikekwe rw’abazungu ku birabura rwarakomeje ndetse amwe mu mashuri ya Leta na magingo aya akomeje kuba mu maboko y’abazungu.

CNN yanditse ko na n’ubu bisa n’aho rukigeretse hagati y’abazungu n’abirabura muri Leta zimwe na zimwe muri Amerika ndetse kuruta igihe cya Luther King nubwo abantu bakunze kubiceceka.

Umwarimu muri Lawrence University, George Podair, mu nyandiko ye yise ‘Buyard Rustin: American Dreamer’ yaciye amarenga ko n’iyo Luther King aticwa ntacyari kubuza Abanyamerika guhaguruka bakarwanira kwigobotora ubukene bwari bubugarije, n’akarengane abirabura bakorerwaga.

Gusa Podair asa n’uwivuguruza avuga ko n’ubundi politiki ya Luther King yashoboraga no kwihirika ubwayo; cyane ko hariho kureba niba Leta ya Amerika ariyo igomba gutera inkunga abakene mu mibereho yabo, cyangwa niba igihugu cyakagombye gushyira imbaraga muri Politiki yorohereza imisoro abaherwe na magingo aya kandi iki kikaba kikiri ikibazo kitigeze kibonerwa umuti muri iki gihugu kuko abaherwe baza imbere mu kwitabwaho.

Nubwo urupfu rwa Luther King rutavugwaho rumwe, umwe mu banditse ku buzima bwe akanabiherwa igihembo cyitiriwe Pulitzer, David Garrow yavuze ko no mu nkoramutima ze bashoboraga kumuhitana.

Garrow yagize ati “Mu 1968, King yagaragaraga nk’ufite umunaniro ukabije, utaretse ndetse n’ibibazo byo mu mutwe”.

Martin Luther King ngo yari yaratangiye kubwira bimwe mu byegera bye ko atekereza uko yajya mu karuhuko, akareka jugujugu yo guhora ahanganye n’ubutegetsi.

Garrow avuga ko King atigeze agira ubushake bwo guhirimbanira uburenganzira bwa muntu ku bwe nk’uko bamwe babitekereza, ko ahubwo yari afite abandi bantu bakomeye bamusunikaga ngo ababere nk’impanda ivuga abantu bakumva.

Bisa n’aho ngo yari igikoresho cy’abazungu bari bakurikiye inyungu zabo, ari nayo mpamvu igihe icyo aricyo cyose yagombaga kubivamo, abo bagatinya ko amabanga y’ubwiru bwabo Luther King yayashyira hanze bikaba byatuma bahitamo kumwica. Nubwo avuga ibi, Garrow nta gihamya abigaragariza.

Bucya Luther King ngo yicwe, yahamagawe mu gitaramo aranga

Mu ijoro King yarashwemo ngo yatumiwe mu rusengero ahari igitaramo, umuhamagaye amusubizanya intege nke amubaza niba yumva uwo wari umwanya wo kubyuka akajya gutarama.

Umwanditsi Lafayette wanditse byinshi kuri King na we yemeza ko uwo mugabo yari yiriwe asa n’uwiyumvamo urupfu.

Ati “Yari yiriwe yikingiranye asuka amarira gusa…yasaga n’uzi ko urupfu rumusatiriye.”

Iyo Luther na Trump bahurira kuri Twitter ngo hari guca uwambaye

Umwarimu w’amateka muri Lawrence University, Podair, yavuze ko King yari kuba umwanditsi mwiza kuri Twitter iyo iri koranabuhanga riza kuba ryariho mu gihe cye.

Yagaragaje ko benshi bari kwizihirwa iyo Donald Trump aba ariwe Perezida, akurikije uburyo akunda gukoresha Twitter kandi na Politiki ye ikagira ibijya gusa n’ibyo King yarwanyaga byo gusumbana hagati y’Abanyamerika.

Luther King yagiraga ubutumwa bukakaye ku buryo guterana amagambo kwe na Trump byari kuryohera Abanyamerika bihambaye. Podair ati “Nta kabuza Trump aba yaramuhimbye akazina kamukwiye.”

Uyu mugabo mu buryo busa no gutebya yavuze ko King yanashoboraga kwanga gukoresha Twitter kubera amagambo ye akakaye atari kunezeza urubyiruko rushishikajwe no kwiyumvira ibiryoheye amatwi kandi bifite ubutumwa budasaba isesengura rikomeye.

Dr. Martin Luther King aganira n’abagera ku 2,000 mbere y’umunsi umwe ngo yicwe
Alex Masha@Rwandapaparazzi.rw

19,122 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful