Templates by BIGtheme NET
Posted on 28/8/2016
Posted on 28/08/2016

Trump yahaye u Rwanda amezi 2 yo kwisubiraho ku guca caguwa cyangwa rukavanwa muri AGOA

Perezida Donald Trump, yatangaje ko mu mezi abiri ari imbere u Rwanda nirutisubiraho mu kubahiriza ibisabwa mu itegeko rya AGOA, ryorohereza ibihugu bya Afurika yo munsi y’Ubutayu bwa Sahara gushora ibicuruzwa byabyo muri Leta Zunze Ubumwe za Amerika, ruzahagarikwa.

Perezida Trump akaba yatangaje ko u Rwanda ruzahagarikwa muri AGOA bitewe n’uko ngo rwashyizeho imbogamizi ku iyinjizwa ry’imyambaro yakoreshejwe ituruka muri Amerika nk’uko byatangajwe n’abayobozi kuri uyu wa kane ushize.

Perezida Trump ngo akaba asanga u Rwanda rutagaragaza ubushake mu kuvanaho inzitizi ku bucuruzi n’ishoramari bya Amerika nk’uko bikubiye mu gike cy’104 cy’amasezerano ya AGOA.

Itangazo ryashyizwe ahagaragara rikaba rivuga ko guhagarika by’agateganyo ibicuruzwa by’u Rwanda kuri iri soko ari byo bikwiye kurusha kuruvanamo burundu byerekana umuhate wa Leta Zunze Ubumwe za Amerika n’u Rwanda mu gukemura ibi bibazo.

Nubwo bimeze gutyo, ukuriye ibiro by’ubucuruzi bwa Leta Zunze Ubumwe za Amerika avuga ko ibindi bihugu nka Kenya, Tanzania na Uganda byo bitazagerwaho n’iki cyemezo nyuma yo kwemera gukuraho izo mbogamizi ku myambaro yakoreshejwe ituruka muri iki gihugu cya mbere cy’igihangange ku isi. Icyemezo cyafatiwe u Rwanda kikaba kizatangira kubahirizwa mu minsi 60.

Uhagarariye ubucuruzi bwa Leta Zunze Ubumwe za Amerika, C.J. Mahoney, akaba avuga ko perezida Trump yafashe icyemezo cyo guhagarika gusonera u Rwanda aho gukuraho kurusonera binyuze muri gahunda ya AGOA kuko ngo hazakomeza kureba uko isoko ry’imyambaro yakoze ryagaruka ndetse u Rwanda rukumvishwa ko rugomba kubahiriza ibiteganywa na AGOA.

Mu 2016 nibwo ibihugu byo muri Afurika y’Iburasirazuba byatangaje ko bizahagarika gutumiza imyambaro n’inkweto byambawe mu 2019 mu rwego rwo kurinda inganda zo mu karere guhatana.

Binyuze muri AGOA, u Rwanda, Tanzania na Uganda byohereje muri Amerika ibicuruzwa bifite agaciro ka miliyoni 43 z’amadolari mu 2016 bivuye kuri miliyoni 33 z’amadolari mu 2015. Nyamara ibicuruzwa Amerika yohereje mu Rwanda, Tanzania na Uganda byo byageze kuri miliyoni 281 z’amadolari mu 2016, bivuye kuri miliyoni 257 z’amadolari mu 2015.

Minisitiri w’Ubucuruzi n’Inganda, Munyeshyaka Vincent, akaba aherutse gutangaza ko mu bucuruzi u Rwanda rukorana na Leta Zunze Ubumwe za Amerika (USA), nta mafaranga menshi rwinjiza binyuze muri gahunda ihuza icyo gihugu n’iby’Afurika yo munsi y’Ubutayu bwa Sahara (AGOA), nyamara iri kwifashishwa mu kwamagana ibihugu byaciye intege caguwa, bishaka guteza imbere inganda zabyo.

Alex Masha@Rwandapaparazzi.rw

28,440 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful