Templates by BIGtheme NET
Posted on 28/8/2016
Posted on 28/08/2016

Umugabo wa mbere muremure ku Isi yabonanye n’umugore mugufi wa mbere ku isi amaso ku maso “REBA HANO AMAFOTO”

Abantu babiri baciye agahigo ka Guinnes World Record kubera imiterere yabo, amaherezo bagize amahirwe yo guhura imbonankubone bahuriye mu gihugu cya Misiri.

Kuwa Gatanu ushize nibwo umugabo wa mbere muremure ku Isi, Sultan Kosen, yahuye n’umugore wa mbere mugufi ku Isi, Jyoti Amge, bahurira I Cairo mu Misiri nk’uko amafoto yashyizwe ahagaragara akomeje gukwirakwira abigaragaza.

Kosen ufite uburebure bwa metero 2,5 akomoka muri Turkiya, akaba akomoka mu bwoko bw’Abakurde. Uyu mugabo w’imyaka 35 bivugwa ko uburebure bwe bukabije bwatewe n’icyo bita acromegaly, igisa nka cancer cyafashe urugingo rukora za hormones. Nubwo yagerageje kenshi kwivuza ngo bamukuremo icyo kimungu, nticyabashije kuvamo cyose. Bikaba bivugwa ko mu 2012 ari bwo yarekeyeho gukomeza gukura.

Naho Jyoti Amge ufite uburebure bwa sentimetero 76, akomoka mu Buhinde akaba apima ibiro hafi 5 kubera ubugufi bwe bukabije ngo bwatewe n’icyo bita achondroplasia. Ku myaka ye 24 y’amavuko yagiye agaragara muri filimi zirimo iyitwa American Horror Story, aho ngo byasabaga guterurwa kugirango ave ahantu hamwe ajya ahandi.

Aba bombi nk’uko iyi nkuru dukesha urubuga AOL.com ikomeza ivuga, batumiwe mu Misiri n’Ikigo cy’igihugu cy’ubukerarugendo mu rwego rwo kureba ko cyakongera kubyutsa uru rwego ruri mu bibazo muri iki gihe ahanini kubera ikibazo cy’umutekano wakunze kuba mukeya kuva mu 2010 nyuma yo kwivumbura ku butegetsi cyangwa impinduramatwara mu bihugu by’Abarabu byo mu majyaruguru y’Afurika no muri Aziya yiswe Arab Spring .

Kosen na Amge bakaba ari bamwe mu bantu bazwi basuye Misiri muri uru rwego nyuma ya Will Smith na Kourtney Kardashian.

Emery@Rwandapaparazzi.rw

149,990 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful