Templates by BIGtheme NET
Posted on 28/8/2016
Posted on 28/08/2016

Kumara isaha imwe ku mbuga nkoranyambaga ku munsi bishobora guhungabanya ibitotsi “INKURU IRAMBUYE”

Mu gihe abahanga mu by’imitekerereze y’umuntu bavuga ko gukoresha telefone mbere yo kuryama ari bibi, ubushakashatsi bwo bwagaragaje ko kuyikoresha ku manywa na byo bishobora gutuma habaho kubura ibitotsi mu masaha y’ijoro.

Ubushakashatsi bwasohotse mu kinyamakuru Acta Paediatrica kibanda ku buzima bw’abana gisohorwa na Kaminuza ya Scandinavia, bwize ku makuru y’abanyeshuri bo muri Canada 5 242 bafite hagati y’imyaka 11 kugeza kuri 20.

Metro dukesha iyi nkuru yanditse ko abashakashatsi basuzumye neza amakuru yatanzwe n’abakoreweho ubushakashatsi ku gihe nyir’izina bagakwiye kumara basinziriye bitewe n’ikigero cy’imyaka barimo.

Abo bashakashatsi berekana ko abantu bari mu kigero cy’imyaka 11 kugeza kuri 13 bakagombye gusinzira amasaha icyenda cyangwa 11 mu ijoro, abo mu kigero cy’imyaka 14 kugeza kuri 17 bagasinzira amasaha umunani cyangwa 10, na ho abari mu kigero cy’imyaka 18 kuzamura bo bakaba bokagombye gusinzira amasaha arindwi kugeza ku icyenda.

Ibisubizo byavuye muri ubwo bushakashatsi ntabwo byabaye byiza kuko muri ba banyeshuri bakoreweho ubushakashatsi, abakoreshaga imbuga nkoranyambaga nka WhatsApp, Facebook na Snapchat nibura isaha imwe ku munsi byagaragaye ko amasaha bakagombye kumara basinziriye mu ijoro yagabanutse.

Mu bakoreweho ubushakashatsi bose, abagera kuri 36.4% nibo bwerekanye ko basinzira neza hagendewe ku kigero cy’imyaka barimo ndetse n’igihe bakagombye kumara basinziriye.

Abagra kuri 63.6% muri ba banyeshuri basinziraga igihe gito ugereranyije n’icyo bakagombye kumara bitewe n’ikigero cy’imyaka yabo.

Hafi ¾ by’abanyeshuri bose bakoreweho ubushakashatsi, ni ukuvuga 73.4%, bavuze ko bajya ku mbuga nkoranyambaga nibura isaha imwe ku manywa, hari n’abayirenza nabo bagizweho ingaruka zo kutaruhuka neza mu ijoro.

Dr. Jean-Philippe Chaput ukora mu bitaro by’abana by’Ikigo cy’Ubushakashatsi cyo muri Canada, Children’s Hospital of Eastern Ontario Research Institute, avuga ko impinduka ziterwa no gukoresha imbuga nkoranyambaga ku kubura ibitotsi ari ingingo ikwiye kwitabwaho kubera ingaruka bigira ku buzima bwa muntu.

Umuntu utashoboye gusinzira igihe gihagije ashobora guhura n’ingaruka zikomeye zirimo no kugira uburwayi bufata mu mutwe.

12,691 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful