Templates by BIGtheme NET
Posted on 28/8/2016
Posted on 28/08/2016

Ikibazo cy’abakomisiyoneri ba ruswa mu nkiko cyahagurukiwe “INKURU IRAMBUYE”

Ubugenzuzi bw’inkiko bwatangaje ko hafi 90 % y’amafaranga ya ruswa atangwa mu nkiko atakirwa n’abazikoramo, ahubwo ngo yijyanirwa n’abitwa abakomisiyoneri badafite aho bahuriye n’inkiko.

Umuyobozi w’Umuryango Urwanya Ruswa n’Akarengane, Transparency International Rwanda, Ingabire Marie Imaculleé aherutse gutangaza ko abaryi ba ruswa zo mu nkiko bahinduye amayeri, ku buryo abaturage basigaye baca ku bunganizi babo mu mategeko bakabaha ruswa ngo bazayishyikirize umucamanza.

Icyo gihe hanagaragajwe ko hari n’abanditsi b’inkiko babaye abakomisiyoneri b’abacamanza, bavugana n’abaturage bakabaha ruswa ngo bazayibashyirire abacamanza.

Umuvugizi mushya akaba n’umugenzuzi w’inkiko, Mutabazi Harrison, yabwiye itangazamakuru ko koko mu nkiko hakigaragaramo ruswa ariko itari ku rwego rukabije.

Mutabazi yavuze ko hari abantu babaye abakomisiyoneri ba ruswa mu nkiko, nyamara ngo atari abakozi bazo ndetse ko na ruswa nyinshi itakirwa n’abakozi b’inkiko.

Ati “Hari abakomisiyoneri bigize ibiraro , rimwe na rimwe mu bakozi b’inkiko wenda harimo abagifite umutima muke bakaba bakorana n’abo bakomisiyoneri ariko umubare munini dusigaye tubona ni abakomisiyoneri biyitirira abakozi b’inkiko cyangwa biyitirira abantu baziranye n’abakozi b’inkiko.”

Yavuze ko hari n’abunganizi b’inkiko bagaragaza imico mibi, bagasaba abo baburanira amafaranga babeshya ko bayasabwe n’abacamanza kandi atari byo.

Ati “Hari n’abunganzi b’inkiko rimwe na rimwe bitwara nabi, badakurikiza amahame y’akazi kabo, nabo bakabeshya ababuranyi babo bakababwira ngo narangije kuburana ariko umpe n’amafaranga nzashyire umucamanza kugira ngo azafate icyemezo. Baba babeshya ari amafaranga yabo. Akenshi 90 % by’ayo mafaranga ntagera ku bakozi b’inkiko. Abo bakomisiyoneri barayirira bakayajyanira ubusa.”

Mutabazi yatanze urugero rw’umwe mu baturage uherutse kwiyitirira Perezida w’Urukiko, agasaba umuturage amafaranga ariko agafatwa atarabigeraho.

Yagize ati “Mu rukiko rw’ibanze rwa Rukara hari umuntu wiyitiriye Perezida w’urukiko mushya, ahamagara umuburanyi aramubwira ngo nyohererereza ibihumbi 500 hanyuma nzarebe ukuntu nzagucira urubanza. Nimero ye twayishyikirije ubugenzacyaha ngo akurikiranwe. Nibura uwo muburanyi we yateye intambwe aza kubwira urukiko ariko hari abandi bajya bayatanga bakayabarya.”

Guhera mu 2005 abakozi b’inkiko 32 barimo abacamanza 13, abanditsi b’inkiko 19 n’abakozi batatu b’abacamanza (b’aba aba sous-contract) bahamwe na ruswa cyangwa ibindi bikorwa bijyanye nayo barabihanirwa.

Mutabazi yavuze ko ubu ikibazo cy’abakozi b’inkiko barya ruswa cyahagurukiwe, uzajya afatwa nta kumwihanganira.

Yagize ati “Murabizi hari ibibazo by’imyitwarire byinshi byabayeho aho abakozi b’inkiko babafashe bakabahana , bakirukanwa, bamwe bagafatirwa ibihano […] uzagwa mu cyaha cya ruswa ntazihanganirwa.”

Umuvugizi mushya akaba n’Umugenzuzi w’Inkiko, Mutabazi Harrison, yavuze ko abacamanza bagaragayeho ruswa bafatirwa ibihano birimo no kwirukanwa

Mutabazi avuga ko ruswa mu nkiko bayihagurukiye, by’umwihariko ikaba izibandwaho mu biganiro n’ibikorwa bizakorwa mu cyumweru cyahariwe kurwnaya ruswa kiratangira kuri uyu wa Mbere tariki 12 Gashyantare, kikazasozwa tariki 16 Gashyantare 2018.

Muri iki Cyumweru kizaba gifite Insanganyamatsiko igira iti ‘ruswa ni umwanzi w’Iterambere ry’igihugu, tuyamagane’ byitezwe ko hazagaragazwa ububi bwa ruswa ndetse hakanaburanishwa imanza za ruswa mu gihugu hose.

Mutabazi yavuze ko n’abakozi b’inkiko bazibutswa ingaruka zo kwakira ruswa by’umwihariko ngo kuko bose atari shyashya.

Ati “Ntabwo twavuga ko byera ngo de, ko nta ruswa irangwa mu bakozi b’inkiko ari nayo mpamvu habaho ubugenzuzi bw’inkiko. Abaturage barasabwa kujya bandika uwo baketseho ruswa ariko mu gihe hari ibimenyetso bifatika.”

Kuva muri Gashyantare 2017 kugeza muri Mutarama 2018, mu gihugu haciwe imanza 355 zijyanye na ruswa. Hasigaye imanza 123, muri iki Cyumweru bikaba biteganyijwe ko hazaburanishwamo imanza 117.

25,600 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful