Templates by BIGtheme NET
Posted on 28/8/2016
Posted on 28/08/2016

Bampaye imiti y’ibyatsi ngo ndongore madamu wanjye neza none igitsina kiradigadiga nkanasohora vuba “MUNGIRE INAMA”

Umukunzi wacu uba i Rubavu,yatwandikiye agirango abasomyi buru rubuga  bamugire inama ku kibazo yahuye nacyo cyerekeye imiti y’ibyatsi yanyweye ngo ahaze umugore we mu gutera akabariro,aho gukira ahubwo igitsina gitangira kudigadiga.


Yagize ati”Nitwa Jean ariko andi mazina sindibuyavuge ku bw’umutekano wanjye.Mfite umugore n’abana bane ariko kudatera akabariro neza bigiye kunsenyera kandi ubusanzwe naritwaraga neza n’umugore wanjye akabinkundira.

Umugore wanjye akimara kubyara umwana wa kane natangiye kumva impinduka zidasanzwe mu mubiri,nagirango ngeze mu buriri nkahita ngona ntabanje kubaka urugo kandi nkanazinduka kare njya ku kazi.

Ibyo byabaye icyumweru cya mbere icyakabiri nkanyuzamo nka rimwe ariko nkahita nsohora vubi nkabona umugore bimuriye ahantu ariko ntavuge akagaragaza ibimenyetso ko atishimye.

Byaje gukomeza nagirango nteye akabariro nkahita nsohora ndetse nkanatinda kugira ubushake bwo kwiyongeza.Byararambiranye noneho aratobora ambaza uko byangendekeye maze ntangira kurya indimimi.

Yaje kungira inama yo kujya kwivuza maze ndabyemera,mperako niyambaza umugabo w’inshuti yanjye tujyana ku muvuzi gakondo ariko ntabwo yari azwi.

Twagezeyo ampa imiti ibiri umwe w’amazi n’undi w’agafu ambwira uko ndibuwunywe.Nageze mu rugo mbigenza uko yabimbwiye,maze umunsi w’ambere n’umva hiyongereyeho nk’umunota ndetse no ku munsi w’akabiri bigenda uko.

Natangiye gushimagiza uwo muvuzi ariko bidateye kabiri naje kwicuza icyanjyanyeyo.Ubusanzwe namaraga iminota ibiri ariko nyuma y’icyumweru ntangiye kwitwra neza byaje gusubira irudubi noneho natangira gukaresa umugore nkahita nsohora noneho hakiyongeraho ikindi kibazo cy’ingutu cy’uko iyo ngiye kwinjiza igitsina cyanjye mu cyumugore gitangira kudigadiga nticyibe cyafata umurego.

Natangiye gusubira inyuma ku buryo bugaragara noneho ntangira kwiheba icyakora madamu akampumuriza.Iyo nijajaye igitsina cyikabasha kwinjira madamu agasa n’uryohewe mpita nsohora akagira ati”Ese ubu koko nacumuye iki?”.

Nahagaritse ya miti burundu ntangira kwibaza ku kindi nakora.Ibi rero nibyo byanteye gutuma nifashisha imbuga zitandukanye harimo nuru rwa imirasire ngo bangire inama y’icyo nakora, kuko hari abahanga batandukanye bamfasha nkuko nkunze kubibona.

Mbifurije guhirwa mu byo mukora byose murakarama!

Uwineza Vanessa@Rwandapaparazzi.rw

101,720 total views, 200 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful