Templates by BIGtheme NET
Posted on 28/8/2016
Posted on 28/08/2016

Amarozi yavuzwe hagati ya Riderman na M Izzo yasize umubano wabo mukangaratete

Hashize imyaka 5 abahanzi bahoze ari inshuti magara aribo Riderman na M Izzo badacana uwaka,Twifuje kumenya amakuru ahagije ku bijyanye no gushwana kw’aba bombi bikajyana n’amakuru yigeze gukwirakwira mu binyamakuru yavugaga ko Riderman yaba yarigeze kuroga M Izzo.

Dusubiye inyuma gato ubusanzwe M Izzo yahoze ari umuririmbyi ufasha Riderman ku rubyiniro ndetse nawe yari umuhanzi ku giti cye anabarizwa mu nzu itunganya umuziki y’ibisumizi yashinzwe na Riderman.

Mu ijoro ryo kuwa Gatandatu tariki ya 10 Kanama 2013 nibwo Riderman aherekejwe na M Izzo ku rubyiniro yabaye umuhanzi wegukanye umwanya wa mbere mu irushanwa rya Primus Guma Guma Super Star III.

Kuva icyo gihe amakuru yaracicikanye avuga ko M Izzo ashinja Riderman kuba atarubahirije amasezerano bagiranye mbere y’uko irushanwa ritangira ndetse bikavugwa ko ayo masezerano yarakubiyemo amafaranga yagombaga guhabwa M Izzo nyuma ya Guma Guma ayaherewe ubufasha yamuhaye ku rubyiniro.

?

Ibi byaje kurangira, nyuma haza kuvugwa ibindi bibazo birimo n’uburwayi M Izzo yagize bikavugwa ko ari Ridermn waba waramuroze.

Mu kiganiro na bwiza.com M Izzo yatangiye asobanura uko ibibazo byatangiye ndetse anashimangira ko atariwe wakwirakwije igihuha cyavugaga ko yarozwe na Riderman.

M Izzo yagize ati :“Ibintu byose biba bifite impamvu, singombwa ko nsobanura ibibazo byose nagiranye na Riderman, ikindi sinigeze natura n’akanwa kanjye ngo mvuge ko yandoze nk’uko mu binyamakuru bagiye babyandika, ibindi bibazo byajemo byari ibyanjye nawe bitewe nuko atubahirije ibyo twari twarumvikanye mu masezerano y’igihe namufashaga agatwara Guma Guma, indi mpamvu yatumye ibihuha bikura ni uko narwaye ntansure hanyuma abantu bumvise ko atansuye batangira kuvuga ko ariwe wandoze kuko nari ndwaye indwara itazwi kandi navuwe n’abaganga ba gakondo”.

Ubwumvikane bucye bw’aba bahanzi bombi bwarakomeje kugeza ubwo bateranye amagambo mu ndirimbo Riderman asohora iyitwa “You Ain’t Touth” M Izzo nawe ashyira hanze iyitwa “Amakuru” yashyiraga hanze ibibazo byose yagiranye na boss we.

Twifuje kumenya aho ubwo bwumvikane bucye bwarangiriye tubaza M Izzo icyo atekereza ku bisumizi ndetse nibijyanye n’umubano we na Riderman kugeza ubu.

M Izzo yagize ati” Nibyo koko ibisumizi byaramfashije hari uruhare byagize ku izina ryanjye. wari umurongo mwiza wo kwigaragaza mu ruhando rwa muzika, iyo utakaje umuntu wagakwiye kugufasha urababara, byarabaye ariko byararangiye. kugeza ubu ndi gushyiramo ingufu kugiti cyanjye, kongera gusubirana nawe birashoboka ariko byasaba ibiganiro bikomeye, burya umuntu nimugari ntiwamenya icyo antekerezaho, kandi buriya ntawamenya birashoboka ko yanyenera nanjye nkamukenera, kugeza ubu ntiturongera kuvugana kuva twatandukana”.

M Izzo yaboneyeho kudutangariza ko afite ahandi ari kubarizwa mu nzu itunganya umuziki yitwa Tol Music, akaba ari nawe uyikuriye ndetse abona ariho amerewe neza kurusha uko yarameze mu bisumizi yanijeje abakunzi be ko bashonje bahishiwe muri uyu mwaka wa 2018.

Src: Bwiza.com

Emery@Rwandapaparazzi.rw

25,700 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful