Templates by BIGtheme NET
Posted on 28/8/2016
Posted on 28/08/2016

Uganda: Umucuruzi w’Umunyarwanda muri Mbarara yashimuswe n’abashinzwe umutekano

Abantu bakekwaho kuba abakozi b’inzego z’umutekano za Uganda bongeye guta muri yombi Umunyarwanda witwa Emmanuel Cyemayire bamukuye mu mujyi wa Mbarara.

Amakuru ahari akaba avuga ko Cyemayire yari muri uyu mujyi uherereye mu burengerazuba bwa Uganda kuri uyu wa Gatanu ushize, itariki 05 Mutarama 2018, ubwo abo bantu bamwinjizaga mu modoka bari barimo bakamujyana ahantu hataramenyekana.

Umwe mu babonye uko ibintu byagenze avuga ko Cyemayire asanzwe afite iduka muri Mbarara, bakaba batazi aho abamutwaye berekeje nk’uko iyi nkuru dukesha Chimpreports ivuga.

Iki kinyamakuru kikaba kivuga ko cyamenye ko umugore wa Cyemayire yagejeje ikirego cy’ibura ry’umugabo we kuri station ya polisi ya Mbarara, abapolisi bakamubwira ko atari bo bafite umugabo we.

Ibi bikaba byabaye mu gihe Uganda ivuga ko irimo kugerageza gukemura ikibazo cy’umwuka mubi uri hagati yayo n’u Rwanda bitewe n’Abanyarwanda baba muri Uganda bakomeje gutabwa muri yombi n’ikibazo cy’urujya n’uruza rw’abarwanya ubutegetsi bw’u Rwanda ruvugwa muri Uganda.

Kuri uyu wa Gatanu ushize n’ubundi nibwo minisitiri w’ububanyi n’amahanga wa Uganda, Sam Kutesa, yagiranye ibiganiro na perezida w’u Rwanda, Paul Kagame, ku mwuka uri hagati y’ibihugu byombi muri iki gihe.

Minisitiri w’ububanyi n’amahanga w’u Rwanda, Louise Mushikiwabo akaba yaratangaje ko minisitiri Kutesa na perezida Kagame bagiranye ibiganiro byiza ku bibazo bitandukanye bifite ingaruka ku mubano w’ibihugu byombi.

Abayobozi ba Uganda bashinja abo Banyarwanda bagiye batabwa muri yombi ibikorwa by’ubutasi, kujujubya impunzi no kwivanga mu bikorwa bibangamiye umutekano wa Uganda.

U Rwanda rwo rugasanga aba Banyarwanda bakekwaho ibyo byaha baba bakwiye gufungirwa ahantu hazwi kandi bakemererwa kubonana n’imiryango y’abo, abanyamategeko ndetse n’abaganga.

U Rwanda kandi ku ruhande rwarwo rushinja abategetsi ba Uganda gushyigikira no gufasha abashaka guhungabanya umutekano w’u Rwanda.

Nubwo impande zombi ibi zitabyumvikanho, kuri uyu wa Gatandatu ngo abayobozi bagaragaje icyizere cy’uko uruzinduko rwa Kutesa mu Rwanda ari intambwe ikomeye mu gucyemura ibyo bibazo byo kwitana ba mwana hagati y’ibihugu byombi.

Ni mu gihe nyamara kuri uwo munsi ibyo bikorwa byo guta muri yombi Abanyarwanda ntihamenyekane n’aho batwawe byari bikomereje ku Munyarwanda Emmanuel Cyemayire w’umucuruzi muri Mbarara hataramenyekana impamvu y’itabwa muri yombi rye.

Kawera Ronald@Rwandapaparazzi.rw

42,780 total views, 100 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful