Templates by BIGtheme NET

Musore Nawe Mukobwa Dore Ibyiza n’ibibi byo gukora ubukwe mu mpera z’umwaka “REBA HANO”

Guhitamo itariki y’ubukwe ni kimwe mu bintu by’ingenzi abakundana bagiye kurushinga baba bagomba gufata umwanya uhagije wo kwemeranyaho. Ku rundi ruhande iki ni nacyo kibazo cya mbere buri wese mubwiye ko mugiye kurushinga ahita abaza.

Bambi Caicedo Rogers, umwe mu bafite inararibonye mu gutegura ubukwe yemeza ko itariki y’ubukwe ikwiye kuba ari umunsi ufite icyo usobanuye mu buzima bw’abagiye kurushinga, ariko na none ntibirengagize izindi ngingo zirimo no kuboneka kw’abatumirwa.

Hari abibaza niba guhitamo gukora ubukwe tariki ya 31 Ukuboza ari igitekerezo cyiza dore ko n’ubusanzwe aba ari igihe cy’iminsi mikuru, mu gihe abandi birinda no kuba babitekerezaho.

Mu kiganiro na The Huffington Post, Rogers yagaragaje bimwe mu byiza byo gukora ubukwe ku munsi wa nyuma usoza umwaka, ariko na none ahishura imbogamizi umuntu ashobora guhura nazo.

Dore ibyiza byo gukora ubukwe ku munsi ubanziriza ubunani:

-  Ntimuzigera mwibagirwa itariki mwashingiyeho urugo

Kimwe mu byiza byo gutegura ubukwe mu mpera z’umwaka, by’umwihariko tariki 31 Ukuboza, ni uko iteka uyu munsi uzahora mu mutwe wanyu.

Kuba n’ubusanzwe kuri iyi tariki abantu benshi baba bateguye ibirori byo kwishimira ko basoje umwaka neza, bituma uyu munsi utabava mu mutwe ngo mube mwahugira mu bindi mwibagirwe kwizihiza imyaka mumaze mushyingiranwe.

-  Benshi mu batumirwa bagumana namwe ijoro ryose

Nta gishimisha nko gukora ubukwe, abatumirwa by’umwihariko inshuti zawe za hafi zigakomeza gutaramana nawe zishimira intambwe wateye.

Iyo ukoze ubukwe ku munsi usoze umwaka, hari benshi bahitamo kugumana nawe mugasoza umwaka muri kumwe, aho kujya gukomereza ibirori ahandi, dore ko n’ubundi baba bari buhabone ibyo bifuza bituma barushaho kumererwa neza.

-  Kubona aho gukorera ubukwe birashoboka

Mu gihe hari abumva ko kubera ko n’ubusanzwe aba ari igihe cy’iminsi mikuru, kubona aho umuntu akorera ubukwe aba ari ikintu kitoroshye.

Rogers ahamya ko bishoboka cyane kubona ahantu heza, igihe wafashe umwanya wo kuhashaka hakiri kare ntiwirindirize umunsi wa nyuma.

-  Ntibisaba imyiteguro ihambaye
Kuba n’ubusanzwe mu mpera z’umwaka aba ari igihe cy’iminsi mikuru, ntibigusaba kugira imyiteguro ihambaye, haba mu buryo bwo gutaka cyangwa gutegura amafunguro.

Impamvu ni uko n’ubusanzwe abantu baba bari mu byishimo byo gusoza umwaka, by’umwihariko bataha ubukwe bwawe ku buryo icyo bitaho cyane atari uburyo ibintu byakozwe, ahubwo igikorwa kigiye kubaho.

Nubwo ariko gutegura ubukwe ku munsi wa nyuma usoza umwaka bifite uruhande rwiza, hari n’imbogamizi nyinshi nyir’ukubutegura ahura nazo zirimo izikurikira:

-  Bisaba amafaranga menshi

Imbogamizi ya mbere uwifuza gutegura ubukwe mu mpera z’umwaka ahura nazo harimo kuba bimuhenda cyane. Ibi ahanini bituruka ku kuba kubera ubwinshi bw’abari gutegura iminsi mikuru haba mu ngo cyangwa ahandi usanga ibiciro by’ibintu bitandukanye muri rusange byazamutse.

Ikindi nk’uko twabivuze hari abashyitsi benshi bahitamo kugumana nawe mukifatanya mu byishimo byo gusoza umwaka, nubwo ntako bisa ariko ku ruhande rumwe bivuze ko uretse kuba ugomba gutegura ibinyobwa bari bunywe muri ibyo birori, benshi muri bo baba baniteguye ko ibirori bikomeza ku munsi ukurikiyeho.

-  Gukora ingendo ntibiba byoroshye

Mu mpera z’umwaka usanga abantu benshi baba bakora ingendo bamwe bava aho bakoreraga bataha, abandi bajya gusura imiryango yabo iba mu bindi bice by’igihugu, cyangwa mu biruhuko ahantu hatandukanye.

Iyo abatumirwa bawe basabwa gutega imodoka rusange igihe batashye ubukwe, bibabera imbogamizi kuko bibasaba gutegereza amasaha ngo babashe kubona ibageza aho bagiye utibagiwe n’umubyigano.

Mu gihe uteganya gutegura ubukwe mu mpera z’umwaka urasabwa gutumira abantu hakiri kare, ndetse byaba na ngombwa ugategura ahantu hisanzuye ho kuraza abashyitsi bashobora kukugeraho mbere y’igihe mu rwego rwo kwirinda kuzabura uburyo bakugeraho ku munsi wa nyuma.

-  Kubangamira abagira gahunda zihoraho mu mpera z’umwaka

Hari abantu benshi usanga mu mpera z’umwaka bahitamo gusohokana n’abakunzi, inshuti n’imiryango yabo, cyangwa bagahitamo kwigumira mu ngo zabo.

Abantu nk’aba rero kubatumira mu bukwe buteganyijwe ku munsi wa nyuma usoza umwaka, bazabifata nko kubabangamira ndetse hari na bamwe batazabasha kubwitabira.

Ibi ariko na none ntibyakubuza gutegura ubukwe bwawe kuri iyi tariki, kuko n’ubundi ibyo wakora byose ntushobora kunezeza bose.

47,550 total views, 0 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful