Templates by BIGtheme NET
Posted on 28/8/2016
Posted on 28/08/2016

Ibikorwa bito bituma ushengurwa no kubaho nta mukunzi ugira kandi utanze gukunda “INKURU IRAMBUYE”

Gukunda no gukundwa ni kimwe mu bintu bituma ubuzima burushaho kuryoha, ntibisobanuye ariko ko kugira umukunzi ari itegeko, kutamugira bikaba guca inka amabere.

Hari abatagira abakunzi ku bw’impamvu batagizemo uruhare, abandi bikaba amahitamo yabo, gusa waba warabihisemo cyangwa byarakugwiririye, hari igihe kigera ukakira ubuzima ubayemo.

Urubuga Cosmopolitan rugaragaza ko ariko nubwo waba waramaze kwakira ubuzima bwo kubaho wenyine, hari ibintu byinshi ugenda uhura nabyo bikamera nk’inkota utewe mu mutima ituma icyuho cyo kutagira umukunzi kirushaho kugaragara.

Bimwe muri ibyo ibintu n’ibi bikurikira:

1. Gutumirwa mu birori ugasabwa kuza uherekejwe

Kimwe mu bintu bitera agahinda ni ugutumirwa mu bukwe cyangwa ibindi birori runaka, ariko ku butumire bagashyiraho icyitonderwa ko ugomba kuza uherekejwe.

Nubwo baba batakweruriye ngo babikubwire, burya ahanini baba bashaka kukubwira ngo uzane n’umukunzi wawe. Igitera agahinda kurushaho ni uko hari n’igihe uwagutumiye aba abizi neza ko ntawe ugira.

Hari n’ibirori witabira, ukicara ku meza wakwitegereza neza ukabona abo mwicaranye ni wowe wenyine udafite uwo muhuje urugwiro. Ibi nabyo bituma urushaho gushengurwa n’agahinda ko kuba wenyine.

2. Gushyingirwa kw’inshuti yawe magara

Nubwo nta we ushobora kukwerurira ngo abikubwire, inkuru y’uko inshuti yawe magara igiye gushyingirwa kandi wowe ukiri wenyine iza ari incamugongo.

Nubwo uba utamwanze, uhita utangira kubona uburemere bw’icyuho kiri mu buzima bwawe, ugatangira kwibaza impamvu ibiba ku bandi wowe bitakugeraho.

Urushaho kubyibuka iyo afashe umwanzuro wo kugushinga imirimo ikomeye mu myiteguro no mu gihe cy’ubukwe bwe, kandi udashobora kumuhakanira.

3. Saint Valentin

Nubwo mu myemerere yawe waba utemera ko Saint Valentin ari umunsi wahariwe abakundana, tariki ya 14 Gashyantare buri mwaka, iri mu minsi ituma urushaho kwicwa n’irungu igihe udafite umukunzi.

Aho unyuze hose, ugenda ubona ibimenyetso bigaragaza uburyohe bw’urukundo, dore ko abacuruzi, indirimbo zinyura kuri radio na televiziyo ndetse na filime zerekanwa kuri uyu munsi byose biba biganisha ku rukundo.

Agahinda karushaho kwiyongera mu gihe uteguye gahunda n’inshuti zawe ntizibashe kuboneka, kubera ko zateguye kwishimana n’abakunzi babo.

4. Mama wawe

Ikindi kintu gihora gishengura umutima w’umuntu utagira umukunzi ni ibiganiro by’ababyeyi cyangwa abamurera, ariko by’umwihariko umubyeyi w’umugore.

Ni kenshi mama cyangwa undi uri mu mwanya we aguhamagara cyangwa mwaba muri kuganira ukumva arateruye ati “ Ariko ubwo urabizi ko ntateganya gutura nk’imisozi?” cyangwa ngo “ Igihe nari mfite imyaka nk’iyawe nari narashatse ndetse mbyaye kabiri.”; “Ariko ubona ntakeneye akuzukuru”.

Niyo waba ari wowe wahisemo kubaho nta mukunzi kubera impamvu zawe bwite, aya magambo ntazabura kugukora ku mutima ndetse ukisanga ufashe umwanya utari muto wongera kwitekerezaho.

5. Ibirori by’umuryango

Mu biruhuko cyangwa indi minsi mikuru yateguwe n’imiryango usanga umuvandimwe wawe washyingiwe yazanye n’umufasha we, ufite umukunzi na we akaza aherekejwe.

Uku kwisanga wenyine hagati y’abantu bakundana, baba bafite uburyo baganiramo ntubashe kumva n’ibyo bavuga, amagambo akuninura bakoresha, byose bifatanyiriza hamwe kongera kukwibutsa ko uri bunatahe mu nzu ya wenyine.

Izi ngingo zose twavuze haruguru ndetse n’ibindi byinshi birushaho gutuma amaso yawe ahumuka, ukabona ko nubwo n’ubwo ubayeho ubuzima bwiza hari ikintu gikomeye ubura. Urukundo!

UWINEZA VANESSA@RWANDAPAPARAZZI.RW

64,200 total views, 200 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful