Templates by BIGtheme NET
Posted on 28/8/2016
Posted on 28/08/2016

Hasohotse ibimenyetso by’urubanza Nelly ashinjwamo gufata ku ngufu

Nyuma y’iminsi rugeretse hagati y’umuraperi Nelly n’umugore umushinja kumufata ku ngufu, hasohotse ibimenyetso bigaragaza uguhura k’uyu muhanzi n’umushinja.

Inzego zishinzwe umutekano mu Mujyi wa Auburn wo muri Alabama ziherutse guhagarika ikirego Nelly ashinjwamo gufata ku ngufu bitewe n’uko umugore witwa Monique Greene umurega yahakanye gutanga ubuhamya mu rukiko.

Nyuma y’amezi arenga abiri Nelly atawe muri yombi akekwaho gufata ku ngufu nyuma akaza kurekurwa, TMZ yasohoye bimwe mu bimenyetso bigaragaza ko uyu muhanzi yaryamanye n’uwo mugore birimo imyambaro yari yambaye n’amashusho yafashwe y’aba bombi mu ijoro.

Amashusho yasohowe agaragaza aba bombi basohoka mu gitaramo Nelly yari yatumiwemo n’itsinda rya Florida Georgia Line mu Mujyi wa Seattle, uko uyu mugore yahuye n’uyu muhanzi ndetse n’uburyo batandukanye Nelly agahita atabwa muri yombi.

Iki kinyamakuru cyaherukaga gutangaza ko Nelly agiye gukurikirana umugore umushinja kumufata ku ngufu mu rukiko amushinja guhimba inkuru no kumusebya.

Mu nyandiko z’ibisobanuro aba bombi batangaje kuri polisi, Nelly yavuze ko imibonano mpuzabitsina yakoranye n’uyu mugore bayikoze ku bushake ndetse ngo Greene ari we wikuriyemo imyenda ahubwo nyuma akaza kurakazwa no kumva ko uyu muraperi muri uwo mugoroba yaba yarasambanye n’undi mubyinnyi we bari kumwe mu modoka.

Green yabwiye Polisi ko Nelly yamwambuye imyambaro ku ngufu, amubwira ko agiye gufata igitsina cye yanze akunze. Yavuze ko bamaze iminota mirongo itatu bagundagurana kandi akaba afite impungenge ko Nelly yaba yaramusohoreyemo.

Uyu mugore yavuze ko Nelly yamuhaye amadolari 2500 akamusaba kuguma mu modoka kugeza bageze ahandi yari agiye ariko akayanga amubwira ko atari indaya.

Yongeyeho ko umwe mu bantu bari kumwe yamusunikiye hanze y’imodoka Nelly akamujugunyira 100$, uyu muraperi yemera ko yayamuhaye.

Nelly w’imyaka 42 watawe muri yombi mu rukerera rwo ku wa 7 Ukwakira 2017. Yafungiwe muri gereza iri mu Mujyi wa Des Moines muri Iowa, nyuma uwamureze yanga gutanga ubuhamya mu rukiko ararekurwa.

Umugore avuga ko Nelly yamufashe ku ngufu

Imyambaro ya Nelly n’umugore umushinja kumufata ku ngufu

Nelly yabwiye Polisi ko umugore umushinja kumufata ku ngufu baryamanye babyemeranyijweho

Emery@Rwandapaparazzi.rw

29,700 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful