Templates by BIGtheme NET

Facebook yahinduye uburyo amakuru atandukanye agera ku bayikoresha “INKURU IRAMBUYE”

Nyuma yo guhangana no gutsinda izindi mbuga zashakaga kuyigaranzura zirimo Google Plus na Snapchat, urubuga rwa Facebook rwahinduye uburyo abarukoresha bagerwaho n’amakuru atandukanye (News Feed) mu rwego rwo kugira ngo barusheho kunogerwa.

 

Kuri ubu igihe umuntu agiye kuri Facebook aho kubona uruvange rw’ibintu byashyizweho n’abantu batandukanye, hazajya habanza amakuru arebana n’inshuti, ajyanye n’ibigo by’ubucuruzi cyangwa kwamamaza akurikireho.

Mark Zuckerberg washinze Facebook yatangaje ko ibi bigamije kurushaho guteza imbere imibereho y’abasaga miliyari bakoresha uru rubuga, binyuze mu kubashishikariza kurushaho kuganira n’urungano aho kubona amatangazo yamamaza yisukiranya.

Nk’uko CNN yabyanditse, ibi bigamije kwereka Isi ko Facebook yiteguye gukomeza guharanira kubiba ibyiza mu buzima bw’abayituye.

Ni nyuma y’uko mu 2016 ubwo habaga amatora muri Leta Zunze Ubumwe za Amerika, Facebook yatangiye kwibasirwa n’abantu batandukanye bayishinjaga kuba yifashishwa mu gukwirakwiza amakuru y’ibinyoma, ibitekerezo by’u Burusiya no gutuma abantu baba imbata zo gukoresha imbuga nkoranyambaga.

Uru rubuga kandi rwanashinjwe korohereza abakomeje kurimbura ubwoko bw’aba Rohingya muri Mynmar, mu gihe WhatsApp nayo ibarizwa muri Facebook yashinjwe kugira uruhare mu bwiyongere bw’urugomo mu Buhinde.

Muri Nzeri 2017, Zuckerberg yanditse ku rukuta rwe rwa Facebook agaragaza agahinda atewe no kuba urubuga yubatse agamije guhuza abantu, rwabaciyemo ibice.

Ati “Mu buryo umurimo wanjye wakomeje gucamo abantu ibice aho kuduhuza, nsabye imbabazi ndetse nzakomeza gukora cyane kugira ngo bibe byiza.”

Yagaragaraje ko intego ye y’ibanze muri uyu mwaka ari ugukemura ibibazo bigaragara kuri Facebook, birimo kurwanya ikwirakwizwa ry’urwango, kurinda kuba ibihugu byakwivanga mu buzima bw’abayikoresha no guharanira ko igihe umuntu ayimaraho arushaho kunogerwa.

Uretse kuba yifuza kugira uruhare mu mibereho myiza y’abakoresha Facebook, ngo Zuckerberg anifuza ko igihe abakobwa be Max na August bazaba bamaze gukura, bazishimira ko ibikorwa bye byazanye impinduka nziza ku isi.

Aya mavugururwa yakozwe na Facebook yatumye Zuckerberg uza mu baherwe batanu ku Isi asubira inyuma, kuko yasimbuwe ku mwanya wa kane na Amancio Ortega. Ni nyuma y’uko umutungo we usubiye inyuma ho miliyari zisaga eshatu kuri ubu akaba afite miliyari 74 z’amadolari.

20,940 total views, 0 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful