Templates by BIGtheme NET
Posted on 28/8/2016
Posted on 28/08/2016

Amerika irasaba Uganda guhamagaza umudipolomate wayo ushinjwa guhohotera umugore we

Leta Zunze Ubumwe za Amerika zahatiye Uganda guhamagaza umujyanama muri ambasade yayo I Washington ushinzwe ibibazo bya politiki n’ubukungu, Dickson Ogwang ku mpamvu z’ihohoterwa ryo mu muryango.

Byari biteganyijwe ko Amb. Ogwang azagaruka muri Uganda mur iki cyumweru nk’uko amakuru aturuka mu nzego zo hejuru muri dipolomasi avuga.

Abayobozi bavuga ko Igipolisi cya Leta Zunze Ubumwe za Amerika mu kwezi gushize kw’Ukuboza cyakiriye telephone itabaza iturutse mu rugo rwa Ogwang I Washington, mu kuhagera abapolisi bagasanga umugore w’uyu mugabo afite ibikomere bikabije byatewe no gukubitwa n’umugabo we.

Igipolisi nk’uko Chimpreports ivuga kikaba cyarahise gita muri yombi uyu mudipolomate w’Umugande.

Ariko uyu mudipolomate wanabaye ambasaderi w’agateganyo wa Uganda I Washington mu gihe cy’amezi 6, yishingikirije ubudahangarwa afite biba ngombwa ko ahita arekurwa.

Bivugwa ko nyuma yo guhohoterwa bikabije n’umugabo we, umugore wa Ogwang yahise ajyanwa mu bitaro akamaramo iminsi 5.

Kubera iki kibazo rero, Department ya leta muri Leta Zunze Ubumwe za Amerika yasabye minisiteri y’ububanyi n’amahanga ya Uganda guhamagaza umudipolomate wabo cyangwa igakuraho ubudahangarwa afite agakurikiranwa mu rukiko.

Ukuriye dipolomasi muri iyi minisiteri, Margaret Kafeero, uvuga ko ari mu kiruhuko, yavuze ko nta makuru afite kuri ibi bintu ku murongo wa telephone.

Uyu siwe mudipolomate w’Umugande waba uvuzweho guhohotera umufasha we, kuko mu 2015 na none uwari umunyamabanga muri iyi ambasade, byabaye ngombwa ko yoherezwa I Cairo ku mpamvu nk’izi z’ihohotera ryo mu muryango.

Ambasaderi Charles Wagaba, wahoze yungirije ambasaderi wa Uganda mu Muryango w’Abibumbye nawe yaje koherezwa gukorera I Kinshasa ku mpamvu nk’izi.

Hagati aho kandi, uwungirije ambasaderi wa Uganda kuri ubu mu Muryango w’Abibumbye, Kintu Nyago, nawe agiye koherezwa muri Afurika y’Epfo ariko we ku mpamvu zo kunanirwa kuzuza inshingano ze.

Uyu anavugwaho amakosa yo gusangiza amakuru y’ibanga abantu batabyemerwe.

Kawera Ronald@Rwandapaparazzi.rw

20,561 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful