Templates by BIGtheme NET
Posted on 28/8/2016
Posted on 28/08/2016

Abegukanye ibihembo mu birori bya Golden Globe byitabiriwe n’abambaye umukara “REBA HANO AMAFOTO”

Ibirori bya Golden Globe biri mu bikomeye ku Isi bitangirwamo ibihembo ku bahize abandi mu gukora filime nziza buri mwaka byaranzwe n’umwihariko ku nshuro ya 75 biteguwe byitabiriwe n’abiganjemo abambaye imyambaro y’umukara gusa.

Ibi birori byabaye ku Cyumweru, tariki 7 Mutarama 2017, muri Beverly Hilton Hotel iherereye mu Mujyi wa Los Angeles. Ni igikorwa kitibanze gusa ku itangwa ry’ibihembo ahubwo cyanagarutse ku ihohoterwa rishingiye ku gitsina ryavuzwe cyane mu mwaka ushize mu ruganda rwa sinema i Hollywood.

Abagore hafi ya bose bitabiriye ibirori bya Golden Globe bari bambaye amakanzu y’umukara nk’uburyo bwo kwisunga bagenzi babo bari baraheranwe n’agahinda ko guhohoterwa n’ibikomerezwa babaga bitezeho kubageza ku rundi rwego mu ruganda rwa sinema y’i Hollywood.

Ibi birori byanengewemo bikomeye abarimo Harvey Weinstein washinjwe n’abagore benshi kubahohotera no kubakorera ibikorwa bibatesha ubumuntu, byatwaye iminota ine gusa mu itangira rya Golden Globe Awards ahita avugirizwa induru n’abitabiriye uyu mugoroba.

Hahembwe filime zitandukanye ariko iyahize izindi ni iyitwa Three Billboards Outside Ebbing, Missouri, yahawe ibihembo bine.

Ni umugoroba wavugiwemo amagambo akomeye agaruka ku bihe Leta Zunze Ubumwe za Amerika ziri kunyuramo ku buyobozi bwa Donald Trump nubwo nta bagarutse ku izina rye ahubwo bagatunga agatoki politiki zinengwa zahawe intebe. Umunyarwenya witwa Seth Meyers yagize ati “Muri iki gihe ikoreshwa rya Marijuana rirashyigikiwe cyane mu buryo bwose mu gihe nta wavuga kurandura ihohoterwa rishingiye ku gitsina ngo yumvwe uko bikwiye.”

Mu bahawe ibihembo bikomeye harimo Oprah Winfrey wavuze ko mu gihe kinini gishize abagore nta na rimwe bigeze bumvwa cyangwa ngo bizerwe. Uyu mugore uri mu bafite amafaranga menshi ku Isi yahawe igihembo nk’umuntu wigejeje kuri byinshi mu buzima bwe.

Yagize ati “Mu gihe kirekire, abagore ntibigeze bumvwa cyangwa ngo bizerwe iyo batinyukaga kuvuga ukuri kwabo kuri bariya bagabo, gusa ubu igihe cyarashize.”

Yongeye ati “Ndashaka ko abakobwa bose bakurikiye ibi, nonaha, kumenya ko umunsi mushya uvuze aho amaso ataheza! Kandi ko iyo umuseke utambitse, biba byaturutse ku bwinshi bw’abagore badasanzwe, benshi muri bo bari muri iki cyumba uyu mugoroba, ndetse n’abagabo b’agahebuzo, barwana ishyaka ryinshi ngo babe abayobozi beza batugeza mu gihe nta muntu uzongera kuvuga ngo ’Me too’ ukundi.”

Imvugo ya #Metoo yakwirakwiye cyane ku rubuga rwa Twitter n’izindi mbuga nkoranyambaga, yifashishijwe cyane n’abagore bahohotewe mu kugaragaza ko bari baraheranywe n’ibihe bagatinyurwa n’ababashije kuvugira mu ruhame ubuhamya bwabo.

Abitabiriye ibi birori hafi ya bose bari bambaye umukara

Urubuga History.com ruvuga ko uburyo bwo kwigaragambya hakoreshejwe guhuza ibara ry’imyambaro bifite inkomoko mu Bwongereza mu 1908 ku bagore bari bafite ihuriro ry’impirimbanyi za politiki n’imibereho myiza y’umuryango. Icyo gihe hakoreshejwe amabara arimo umweru, idoma n’icyatsi.

Ibara ry’umweru ryagiye rikoreshwa mu bihe bitandukanye n’abahirimbaniraga ukundana kw’abantu bose imbere y’amategeko, iry’umukara ryo ryakoreshejwe mu birori bya Golden Globe nk’uburyo bwo kugaragaza ko ababyitabiriye bifatanyije n’abahohotewe.

Abegukanye ibihembo mu birori bya Golden Globe

Ibyiciro byahembwe muri sinema:

Best motion picture – drama

Three Billboards Outside Ebbing, Missouri

Best motion picture – comedy or musical

Lady Bird

Best performance by an actor in a motion picture – drama

Gary Oldman, Darkest Hour

Best performance by an actress in a motion picture – drama

Frances McDormand, Three Billboards Outside Ebbing, Missouri

Best performance by an actor in a motion picture – comedy or musical

James Franco, The Disaster Artist

Best performance by an actress in a motion picture – comedy or musical

Saoirse Ronan, Lady Bird

Best performance by an actor in a supporting role in a motion picture

Sam Rockwell, Three Billboards Outside Ebbing, Missouri

Best performance by an actress in a supporting role in a motion picture

Alison Janney, I, Tonya

Best director – motion picture

Guillermo del Toro, The Shape of Water

Best screenplay – motion picture

Martin McDonagh, Three Billboards Outside Ebbing, Missouri

Best animated film

Coco

Best foreign language film

In the Fade

Best original score – motion picture

The Shape of Water

Best original song – motion picture

This Is Me – The Greatest Showman

Icyiciro cy’ibiganiro n’imikino ica kuri Televiziyo:

Best television series – drama

The Handmaid’s Tale

Best television series – comedy

The Marvelous Mrs Maisel

Best actor in a television series – drama

Sterling K Brown, This is Us

Best actress in a television series – drama

Elisabeth Moss, The Handmaid’s Tale

Best actor in a television series – musical or comedy

Aziz Ansari, Master of None

Best actress in a television series – musical or comedy:

Rachel Brosnahan, The Marvelous Mrs Maisel

Best television limited series or motion picture made for television:

Big Little Lies

Best actor in a limited series or motion picture made for television:

Ewan McGregor, Fargo

Best actress in a limited series or motion picture made for television:

Nicole Kidman, Big Little Lies

Best supporting actor in a series, limited series or motion picture made for television:

Alexander Skarsgard, Big Little Lies

Best supporting actress in a series, limited series or motion picture made for television:

Laura Dern, Big Little Lies

N’abagabo baserutse mu myambaro y’umukara

Oprah Winfrey yahembwe nk’umuntu w’indashyikirwa
Emery@Rwandapaparazzi.rw

22,500 total views, 50 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful