Templates by BIGtheme NET

Nigeria yacyuye abimukira barenga 140 bagurishwaga nk’abacakara muri Libya

Nigeria yatangiye gucyura abaturage bayo babaga mu nkambi z’abimukira muri Libya, ku ikubitiro abagera ku 144 bakaba basesekaye i Lagos mu ijoro ryo kuwa Kabiri, naho indege izanye abandi ikahagera kuri uyu wa Gatatu.

Libya ifite inkambi zifungiramo abimukira baturutse muri Niger, Mali, Nigeria na Ghana baba bafite inzozi zo kuzagera mu Burayi banyuze mu nyanja ya Méditerranée. Mu minsi ishize nibwo havuzwe amakuru y’uko bamwe muri bo bagurishwa mu cyamunara bakajyanwa gukoreshwa imirimo y’agahato.

Nkuko AFP ibitangaza, ubwo abo bimukira bageraga ku kibuga cy’indege cya Lagos, bashimye Imana ibakuye muri Libya bagereranya n’ikuzimu.

Uwitwa Franklin wari utegereje guhabwa amafunguro yagize ati “Ndishimye kuba ndi mu rugo kuko muri Libya ni ikuzimu. Ndashaka gutangira ubuzima bushya mu gihugu cyanjye.”

Mugenzi we, Omoburu, yavuze ko yari afungiwe mu nkambi amezi icyenda mbere yo kugarurwa mu gihugu cye. Yavuze ko bakoreshwaga mu gutwara ibisasu no guhamba abapfuye.

Mu nkambi zo muri Libya zicumbikirwamo abimukira bashaka kujya i Burayi, habarurwa abanya-Nigeria 2778, bagomba kuzasubizwa iwabo. Nigeria yiyemeje gucyura nibura abimukira 250 buri cyumweru, ikabageza i Lagos ari nako ibageza mu bice baturutsemo cyangwa bahabwe amafaranga make bijyane.

Mu Ugushyingo iki gihugu cyacyuye abimukira bacyo 1 300, gusa cyashyizemo imbaraga nyuma y’uko bitangajwe ko bacuruzwa mu gisa n’icyamunara. Mu nama iherutse guhuza Umuryango w’Ubumwe bw’u Burayi na Afurika, yabereye i Abidjan, Perezida Buhari yiyemeje gucyura abaturage be bose bari muri Libya.

Nigeria ituwe na Miliyoni zigera mu 190, niyo ifite abimukira benshi mu Burengerazuba bwa Afurika. Umuryango w’Ubumwe bw’u Burayi watunze urutoki iki gihugu ko cyanga gucyura abaturage bayo.

Umuryango wa Afurika Yunze Ubumwe uherutse gutangaza ko u Rwanda rwemeye gutanga inkunga yo gufasha mu ngendo z’abimukira bari muri Libya no kwakira umubare munini muri bo. U Rwanda rwemeye kwakira cyangwa kuzafasha abimukira kubageza iwabo ibihumbi 30.

Alex Masha@Rwandapaparazzi.rw

3,820 total views, 30 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful