Templates by BIGtheme NET

Ibisukika 10 bihenze ku Isi : AMAFOTO

Ibisukika ni bimwe mu bintu Imana yaremye umuntu akoresha cyane buri munsi, kuva ku maraso amugize, amazi yo kunywa, inzoga, peteroli, ku buryo bimwe bibuze ubuzima bwahagarara.

Akenshi ntabwo umuntu yiyumvisha uburyo ibisukika bihenze kubera uburyo abibona bitamugoye. Nk’amazi agira agaciro iyo yabuze cyangwa yakamye mu gihe umunywi w’inzoga abona uburyo zihenda iyo agashahara kamushiranye.

Ibi ni bimwe mu bisukika bihenze kurusha ibindi ku isi muri iki gihe nk’uko tubikesha Brightside:

10. Penicilline igura amadolari 226 ku gacupa kamwe

Uyu muti ugura akabakaba ibihumbi 192 ku gacupa kamwe, uvura indwara zitandukanye zirimo umusonga, ubwandu bwo mu maraso, imitezi n’izindi nyinshi. Penicilline iri mu bwoko butandukanye, ibarirwa mu bisukika bihenze kurusha ibindi ku isi.

9. Amaraso ya muntu, abarirwa mu madolari 1330 ku gice cya litiro

Amaraso y’ikiremwamuntu ari mu bisukika bihenze cyane ku isi, dore ko nta wabaho atayafite. Agaciro kayo ntigakunze kumenyekana kubera abantu bahamagarirwa kuyatanga ku buntu nk’igikorwa cy’ubugiraneza. Nyamara nk’igihe umuntu yabuze umuha amaraso bahuje ubwoko agaciro kayo gahita kigaragaza.

8. Vernis basiga ku nzara, inziza y’umwimerere igura amadolari 2 200 $ ku gacupa

Akenshi izi vernis zishobora kuba zihenze cyangwa zihendutse bitewe n’uwazikoze ndetse n’ibizikoze. Nko mu Rwanda zigura amafaranga make cyane kubera ubushobozi bw’abazigura butifashe neza.

Ikigo cya Essie gikora zimwe muri za Vernis nziza zihangana n’imyanda n’amazi igihe kirekire kigurisha agacupa kamwe amadorali 2 200, akabakaba miliyoni imwe n’ibihumbi 800 mu mafaranga y’u Rwanda.

7. Mercure igura 296$ 6 ku gacupa

Nicyo gikomeza gusukika kabone n’iyo cyaba kiri ahakonje hari hejuru y’igipimo cya dogere Celsius -38. Mercury ikoreshwa cyane mu gakoresho gapima ubushyuhe (thermometer) n’ibindi bipimo bya siyansi.

6. Insuline, 13 100$

Insulin ni amatembabuzi akorwa n’impindura, kimwe mu bice bigize urungano ngongozi rwa muntu. Ikoreshwa cyane mu kuvura diabète.

5. Umubavu (Parfum) witwa Chanel No 5, 23 300$

Uyu mubavu uhenze cyane ukorerwa mu Bufaransa. Watangiye kugurishwa mu 1922; ba nyirawo bavuga ko ukozwe mu ndabo z’akataraboneka n’umuzi w’igiti cyagizwe ibanga. Nubwo hari indi mibavu ihenze kurusha Chanel No 5 muri iki gihe, uyu niwo umaze igihe kirekire uri ku giciro gihanitse.

4. Ikiyobyabwenge cya LSD, 102 200$

Ni ikiyobyabwenge umuntu anywa agatangira kubona ibintu n’amajwi abandi batabona. Kuri ubu cyaciwe mu bihugu hafi ya byose byo ku isi.

3. Ubumara bw’inzoka ‘King Cobra’ 135 700$

King Cobra ni imwe mu nzoka zitinyitse ku Isi. Hari abavuga ko ishobora kuruma inzovu rimwe igapfa. Abantu bashyira ubuzima bwabo mu kaga bashaka ubumara bwayo, kuko bukoreshwa mu miti ivura indwara zimwe zirimo Parkinson, Alzheimer, umuhangayiko n’izindi zifata ubwonko.

2. Ubumara bwa Scorpion, 34 626 000$

Scorpion izwi nk’ikiremwa cya mbere gifite ubumara bukarishye. Ariko ubushakashatsi bwo muri Kaminuza ya Illinois bwerekanye ko ubwo bumara bushobora gukoreshwa mu kongera ubukana bw’imiti ivura kanseri zirimo iy’ibere. Bushobora no gushyirwa mu miti y’imwe mu ndwara ziterwa n’imirire mibi nka sclerosis, arthritis n’ubushye bw’amara.

1. Inzoga yitwa Amalfi, 35 598 000$

Iyi nzoga yitwa D’Amalfi Limoncello Supreme ikorwa mu ndimu zo ku misozi yitwa Amalfi yo mu Butaliyani, ariko ntabwo ari byo bituma ihenda cyane. Urugori rw’icupa ryayo rikozwe muri diamant zihenze cyane. Ku isi hari amacupa abiri y’iyi nzoga gusa.

Kawera Ronald@Rwandapaparazzi.rw

15,830 total views, 30 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful