Templates by BIGtheme NET

Ubusabe bwa benshi bifuzanga ko Imva ya Yvane Semwanga icukurwa kubera Amafaranga bamushyinguranye Urukiko rwabyanze:INKURU>>>

Urukiko rwatesheje agaciro ikirego cyasabaga ko imva ya Ivan Ssemwanga wahoze ari umugabo wa Zari icukurwa bagakuramo amafaranga n’ibindi bintu by’agaciro yashyinguranwe.

Inshuti, abavandimwe n’abo mu muryango wa Ivan Ssemwanga bamuherekeje tariki ya 30 Gicurasi 2017. Uyu mugabo yashyinguwe mu gace avukamo ka Naklilo muri Kayunga District. Yashyinguranywe amafaranga nk’ikimenyetso cy’ubukungu yari afite n’indi mibereho yamuranze.

Ivan Ssemwanga yitabye Imana ku wa 25 Gicurasi 2017, yaguye muri Afurika y’Epfo mu Bitaro bya Steve Biko biri i Pretoria, azize indwara yo guturika imitsi yo mu mutwe. Yapfuye hashize ibyumweru bibiri yitabwaho n’abaganga ndetse yarabazwe ariko ntibyagira icyo bitanga.

Ikinyamakuru Chimp Reports cyatangaje ko umucamanza mu rukiko rukuru, witwa Margaret Oumo Oguli, yatesheje agaciro ikirego cya Abbey Mugugu wasabaga ko leta itanga uburenganzira bwo gucukura imva ya Don Ivan Ssemwanga.

Icyo kirego cyanashyiraga mu majwi A-plus funeral management yateguye uburyo bwo gushyingura ndetse na Banki Nkuru ya Uganda kutagira icyo ikora ku byakozwe ubwo Ivan Ssemwanga yashyingurwaga.

Uwitwa Abbey Mugugu ari mu bari bakamejeje bandikiye urukiko basaba ko imva ya Ssemwanga icukurwa.

Umucamanza yavuze ko nta ngingo ifatika ihamya icyaha ikigo cyitwa A-Plus Funeral cyakodeshejwe mu gutegura umuhango w’ishyingurwa rwa Ssemwanga cyari cyarezwe. Urukiko rwavuze ko nta nshingano iki kigo gisabwa n’urukiko gushyira mu bikorwa kuko amasezerano cyagiranye n’umuryango wa nyakwigendera nta byo kubaha amafaranga cyangwa kugenzura ibikozwe birimo.

Urukiko rwanemeje ko ubusabe bwa Mugugu buteshwa agaciro hashingiwe ku kuba icyo kigo cyateguye ishyingurwa rya nyakwigendera atari cyo cyamushyinguye ahubwo icyo bakoze akaba ari ugutegura uko umuhango ugenda gusa.

Banki Nkuru ya Uganda yari yashyizwe mu majwi nayo yakuwe muri icyo kirego nubwo yari yarezwe kudakurikirana ibijyanye n’uburyo ifaranga ryateshejwe agaciro mu muhango wo gushyingura Ivan Ssemwanga.

Umucamanza Oguli yagize ati “Nyuma yo kwiga byimbitse ku mikorere ya Banki Nkuru ya Uganda, twasanze idafite inshingano zo gusunikira abaturage kubaha no guha agaciro ifaranga n’andi ari mu kirego nk’Amadolari n’i Rand ryo muri Afurika y’Epfo yose ari mu mva ya Ssemwanga.”

Ku rundi ruhande ariko Banki Nkuru ya Uganda yo iracyakurikiranywe mu kirego cy’undi muturage witwa Robert Ssenfuka na we ushaka ko imva ya Ssemwanga yacukurwa hagakurwamo amafaranga y’ubwoko butandukanye yatabwemo.

 

Mbere yo kururutsa Ivan Ssemwanga, habanje kunyanyagizwamo amafaranga

Ivan Ssemwanga yasize abana batatu yabyaranye na Zari, uwitwa Pinto Ssemwanga, Dido Ssemwanga na George Ssemwanga. Usibye amafaranga banyanyagije mu mva ye ashyingurwa, hanapfunduwe icupa rya champagne imenwa ku isanduku nk’ikimenyetso cy’uko uyu mugabo wari ufite imyaka 40 yabayeho mu buzima bwo gusangira ibyishimo n’abari bagize agatsiko kamuhoraga impande.

 

 

Posted by Kawera Ronald kuri Rwandapaparazzi.rw UG

8,610 total views, 20 views today

About Paparazzi

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful