Templates by BIGtheme NET

Miss Akiwacu Colombe yakajije umurego mu mideli no kwambara ubusa mu Bufaransa reba AMAFOTO>>>

Miss Akiwacu Colombe yatangiye kugaragaza imbaraga mu cyiciro cy’abanyamideli bakomoka muri Afurika babikora nk’umwuga mu Bufaransa, yavuye mu Rwanda atabigaragaramo cyane ariko ubu yakajije umurego.

Akiwacu Colombe yamamaye cyane kuva tariki ya 23 Gashyantare 2014, umunsi yagizwe Nyampinga w’u Rwanda mu birori byabereye i Kigali muri Petit Stade. Yasimbuye Mutesi Aurore wari waratowe mu mwaka wa 2012.

Miss Akiwacu Colombe yavuye mu Rwanda muri Nzeri 2015, ubu atuye mu Bufaransa aho yagiye gukomereza amasomo muri Institut Supérieur du Commerce de Paris mu ishami rya Commerce de Luxe.

Akiwa mu Rwanda yakoraga cyane ibikorwa byo gufasha abatishoboye no gufatanya n’imiryango itandukanye mu bikorwa byo kubungabunga ibidukikije ari nacyo cyamuhesheje kwitabira inama ya Loni yize ku mihindagurikire y’ikirere n’itangwa ry’ibihembo bya Equator Prize Awards muri Nzeri 2014.

Iby’imideli yabitangiye agifite imyaka 18 y’amavuko ndetse yakajije umurego akirangiza ayisumbuye ari nabwo yinjiye mu ikompanyi yitwa Ikobe Beauty Company bivugwa ko mu bayishinze harimo n’umuhanzi Kitiko Bibarwa. Ikobe kandi, yabarizwagamo Aurore Mutesi mbere yo kuba Nyampinga w’ u Rwanda 2012.

Miss Akiwacu amaze kuba Nyampinga w’u Rwanda iby’imideli yabishyize ku ruhande yita ku nshingano ze gusa nyuma yo kugera mu Bufaransa yarabisubukuye ndetse ubu abikora kinyamwuga.

Miss Colombe amaze igihe yinjiye mu buryo bw’umwuga mu byo kwerekana imideli, asigaye akorana na zimwe mu nzu z’imideli no kwerekana imyenda mishya yageze ku isoko mu Bufaransa. By’umwihariko akunze gukorana n’iyitwa Gwanni ari nayo yamwambitse ajya muri Miss Supranational 2016.

Uyu mukobwa kandi aherutse kwiyerekana mu gikorwa cyo kumurika imideli n’ibisuko by’umusatsi cyabaye ku wa 17 Kamena 2017, ahitwa Arc en Sein i Paris.

Akiwacu Colombe ureshya na metero imwe na sentimentero 78 yatoranyijwe mu banyamideli 48 batumiwe mu birori by’imideli bya Kigali International Fashion Week bizabera mu Bubiligi kuwa 25 Ugushyingo 2017.

Incamake kuri Miss Akiwacu Colombe

Akiwacu Colombe ni mwene Gatali Vital na Mukankusi Immaculée. Yavutse taliki ya 31 Ukwakira 1994.

Umuryango wa Miss Akiwacu Colombe utuye mu Karere ka Kicukiro mu Mujyi wa Kigali. Ni umwana wa kane mu bana batanu bavukana.

Colombe afite uburebure apima ibiro 56 akaba avuga indimi eshatu Ikinyarwanda, Igifaransa n’Icyongereza.

Amashuri abanza yayize mu ishuri rya St Joseph ku Kicukiro aza kuyasoreza mu kigo cya APAPER na ryo riherereye mu karere ka Kicukiro, na ho amashuri yisumbuye icyiciro rusange yize mu Byimana, icyiciro cya kabiri cy’ayisumbuye yakize muri Stella Matutina riri i Shyorongi mu Karere ka Rulindo mu ntara y’Amajyaruguru.

Yitabiriye amarushanwa atandukanye y’ubwiza haba mu Rwanda no ku rwego mpuzamahanga. Yabaye Nyampinga wa Stella Matutina, aba Nyampinga w’Intara y’Uburasirazuba mu 2013, aza no kuba Nyampinga w’u Rwanda 2014, mu 2016 yitabiriye Miss Supranational asoza abonetse muri 25 ba mbere.

Posted by Alex Masha kuri Rwandapaparazzi.rw Kgli

40,840 total views, 570 views today

About Paparazzi

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful