Templates by BIGtheme NET

Bimwe mu bituma abakobwa ba masugi batinya imibonano mpuzabitsina>>

ibibazo n’impungenge ni bimwe mu bintu biba byiganje mu bwonko bw’umukobwa w’isugi mbere yo gukora imibonano mpuzabitsina bwa mbere. Akenshi usanga yibaza ibibazo byinshi, aba afite ubwoba bwo kuyikora kuko aba aziko biri bumubabaze ndetse akaba yanakomereka, tutibagiwe ndetse n’izindi ngaruka ziterwa no kuba atamenyereye ibintu byo gukora imibonano mpuzabitsina.

Ibi rero akaba ari bimwe mu bibazo biba bimukomereye kandi yibaza igihe cyose:

1.Kubabara no Gukomereka?

Umukobwa w’isugi ugiye gukora imibonano mpuzabitsina ku nshuro ye ya mbere ukunze gusanga agira impungenge zishingiye ku kuba mu gihe cy’imibonano mpuzabitsina ari bubabare. Ibi biterwa n’uko benshi baba barumvise iby’uko iyo ukoze imibonano mpuzabitsina bwa mbere agahu kaba gatwikiriye inda ibyara kazwi nka hymen kangirika bitewe n’uko igitsina gabo ariho cyinjirira maze akaba yakomereka. Ikindi kibatera impungenge ni ahaba hari bunyure igitsina cy’umugabo cyangwa umusore haba hatari bwaguke mu buryo buhagije bikaba byatuma aza kubabara.

2.Kwibaza niba yavuga ko ari isugi?

Umukobwa w’isugi mbere yo gukora imibonano mpuzabitsina yibaza kuri icyo gikorwa n’uko yabyitwaramo. Abahanga mu by’ubuzima n’imyororokere batanga inama zivuga ko mu gihe umukobwa akiri isugi, agomba kubwira uwo bagiye gukorana imibonano mpuzabitsina ko atazobereye mubyo gukora imibonano mpuzabitsina kugirango umusore ashobore kubyitwaramo uko bikwiye.

3.Imyiteguro y’imibonano mpuzabitsina?

Umukobwa w’isugi kenshi aba yibaza niba iyo igihe kigeze cy’uko yayikora, we n’uwo bayikorana baza kubanza gutegurana. Ubu ni uburyo bwiza bwo kwinjizanya mu gikorwa cy’imibonano mpuzabitsina. Abahanga bo rero batanga inama y’uko mu gihe ari ubwa mbere ugiye gukora imibonano mpuzabitsina ni byiza kugenza ibintu buhoro buhoro mukabanza gutegurana nyuma mukaza kwinjira mu gikorwa nyirizina.

4. Ibyishimo byo gukora imibonano mpuzabitsina?

Umukobwa w’isugi ugiye gukora imibonano mpuzabitsina bwa mbere usanga yibaza niba ari bugere ku byishimo yifuza cyangwa yaba yarabwiwe n’abandi basanzwe bayikora. Ibi rero bisaba ko uwo bari buze kubikorana aza kuba azi ibyo arimo gukora kugirango ashobore kumufasha mu buryo bwiza.

Ni byiza ko uwo mugiye gukorana imibonano mpuzabitsina bwa mbere akwakira uko uri byaba ngombwa akagira n’ibyo akwigisha. Menya ko izi mpungenge zidakwiye kuguca intege ahubwo byose iyo ubiganirije n’uwo mugiye gukorana imibonano mpuzabitsina bituma ubona ibyishimo ku kigero wifuzaga.

5. Ese agakingirizo ni ngombwa?

Abakobwa benshi usanga bafite ubwoba mbere yo gukora imibonano mpuzabitsina ku nshuro yabo ya mbere. Ibi bigaterwa no kuba aba aribwo bwa mbere babikoze. Hari n’abumva batifuza kugakoresha kuko baba bafite ubwoba bw’uko batari buryoherwe uko babyifuza. Ariko Ibyiza wagakwiye kugakoresha kugira ngo wirinde kuba wakwandura indwara zitandutandukanye utateganyaga tutibagiwe no gutwara inda bitateganyijwe.

6. Inyungu nyuma y’imibonano mpuzabitsina?

Nkuko bisanzwe kuri undi wese ugiye gukora igikorwa bwa mbere ubwoba ntibubura. Ku mukobwa w’isugi ugiye gukora imibonano mpuzabitsina bwa mbere nawe niko bimugendekera, kugira ubwoba ntibyabura ahubwo icy’ingenzi ni ukumenya ko nyuma y’ibyo byose uba ugiye gukora, uba ugomba gushira ubwoba, bitewe n’uwo muba mugiye gukorana iyo mibonano mpuzabitsina. Ugomba kumva ko n’ubwo uba ufite ubwoba ariko ugomba kwizera ko imibonano mpuzabitsina irimo ubushake no kunezezanya bishimisha.

Gukora imibonano mpuzabitsina k’umuntu w’isugi biragorana cyane kubyinjiramo neza, gusa uba ugomba kubikora wabyiteguye neza. Ikindi ugomba kwikuramo ubwoba ubwo ari bwo bwose kugira ngo uze kubasha kuryoherwa n’icyo gikorwa.

Uwineza Vanessa@Rwandapaparazzi.rw

28,450 total views, 20 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful