Templates by BIGtheme NET

Umushyushya rugamba akaba n’ umunyamakuru Anita Penda yakorewe ibirori byo kwitegura umwana atwite “AMAFOTO”

MC Anita Pendo n’umukunzi we Nzeyimana Ndanda Alphonse bari mu byishimo bikomeye mu gihe habura igihe gito ngo bakire imfura yabo nyuma y’iminsi bamaze bakundana.

Ku mugoroba wo kuri uyu wa 16 Nyakanga 2017, Anita Pendo yasuwe n’abagore b’inshuti ze bamukorera ibirori bya nyuma byo kwitegura kwakira umwana atwite [Baby Shower] banamugenera impano zitandukanye mu gihe habura igihe gito ngo abyare.

Abazwi cyane mu Rwanda bitabiriye ibi birori harimo umuraperi Young Grace, Umuhoza Simbi Fanique wabaye igisonga cya kane muri Miss Rwanda 2017 ndetse na Tidjara Kabendera inshuti magara ya Pendo.

Abakobwa babiri mu bazwi mu myidagaduro yo mu Rwanda ni bo bitabiriye ibi birori , umwe mu babiteguye yabwiye IGIHE ko abenshi bari barabimenyeshejwe ariko ntibahakandagiye.

Ibi ni nako biherutse kugenda mu bukwe bwa Ciney, mu bakobwa b’inshuti ze mu muziki nta n’umwe wahakandagije ikirenge.

MC Anita Pendo umwe mu bakobwa bakora imirimo inyuranye mu myidagaduro yo mu Rwanda yahishuye ko azibaruka umuhungu muri Nzeri 2017.

Urukundo rwa Anita Pendo na Ndanda Alphonse[umukinnyi wa AS Kigali] bahamije ko bakundana mu Ukuboza 2016. Uyu musore yasimbuye Producer David wo muri Future Records bakundanye igihe kinini bagatandukana ku bushake bwa bombi.
Anita aherutse kuvuga ko ashimira Imana mu buryo bukomeye ku bw’umugisha w’umwana w’umuhungu yamuhaye ndetse avuga ko azibaruka mu mezi atatu ari imbere.

Anita Pendo aritegura kwibaruka umuhungu

Yavuze ko nta kibazo na gito atewe no kuba agiye kubyara atarasezerana ngo akore ubukwe kuko ngo yizeye ko igihe kizagera akabukorana n’uwo Imana yamugeneye.

Yagize ati “Abana ni umugisha kandi baza igihe cyose, igihe cyo gukora ubukwe nikigera nzabukora kandi nizeye ko umunsi umwe buzaba. Ubu icyo ntegereje ni umwana w’umuhungu ntwite.”

Kuva Anita Pendo yatwita yerekanaga ubudasiba ko afite amashyushyu y’umwana yitegura kwibaruka. Bikimara kumenyekana ko atwite, hasakaye amakuru yavugaga ko afite undi mwana mukuru yasize mu cyaro i Gahini ariko ahita abyamaganira kure kuko ‘buri mubyeyi wese aryoherwa no kugira urubyaro’.

Bakase umutsima bizihiza ibirori byo kwitegura umwana wa Anita

Ibi birori byabereye ku Kicukiro ku mugoroba wo kuri iki Cyumweru

Bishimanye na Anita mu birori byo kwitegura umwana atwite

Tidjara Kabendera uri iburyo ari mu bateguye ibirori bya Baby Shower ya Anita Pendo

Emery@Rwandapaparazzi.rw

14,810 total views, 20 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful