Templates by BIGtheme NET

Ubwato bw’ingabo za Amerika n’ubutwara ibicuruzwa bwagonganye, barindwi baburirwa irengero :REBA HANO

Abantu barindwi bo mu ikipe y’ingabo za Leta Zunze Ubumwe za Amerika zirwanira mu mazi baburiwe irengero nyuma y’aho ubwato bw’intambara USS Fitzgerald barimo bugonganye n’ubutwara ibicuruzwa ku nkombe z’u Buyapani.

 

Iyi mpanuka yabaye kuwa Gatanu, tariki ya 16 Kamena 2017, ahagana saa tatu n’igice z’ijoro ku isaha yo mu Rwanda, mu bilometero 104 uvuye mu Majyepfo y’Uburengerazuba bwa Yokosuka mu Buyapani.

Abakomeretse barimo Bryce Benson wari uyoboye ubwato bwa USS Fitzgerald n’abandi babiri bajyanwe na kajugujugu kuvurirwa mu bitaro by’ingabo za Amerika biri mu Mujyi wa Yokosuka.

Umunyamakuru wa BBC uri Tokyo mu murwa mukuru w’u Buyapani yavuze ko USS Fitzgerald, ubwato bw’intambara bukomeye ku isi bwangiritse, ariko nta mpungenge zo kuba bwarohama.

ACX Crystal bwari bufite ibendera rya Philippines, bwanyuraga hagati y’imijyi ya Nagoya na Tokyo, butwaye ibintu bipima toni ibihumbi 30, ni bwo bwagonganye na USS Fitzgerald.

Ubu bwato bwakoreshaga umuvuduko wa kilometero 27 ku isaha ubwo bwagonganaga n’ubw’Abanyamerika. Associated Press yatangaje ko nta muntu wakomeretse mu bagera kuri 20 bari baburimo.

Amakuru yakusanyijwe n’abagenzura ingendo zo mu mazi yagaragaje ko ACX Crystal yashatse gusubira mu cyerekezo yaturukagamo mbere y’iminota 25 ngo impanuka ibe, iza gukomeza urugendo ku mpamvu zitamenyekanye.

Abantu barindwi bo mu ikipe y’ingabo za Leta Zunze Ubumwe za Amerika zirwanira mu mazi baburiwe irengero

Ubwato bw’ingabo za Amerika bwagonganye n’ubutwara ibicuruzwa bwangiritse bikomeye
Emery@Rwandapaparazzi.rw

16,819 total views, 0 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful